အညာလမ်းမများပေါ် ဓားပြတွေ သောင်းကျန်းနေသည် (သတင်းဆောင်းပါး)
အာဏာသိမ်းစစ်ခေါင်းဆောင် မင်းအောင်လှိုင်၏ စစ်ကောင်စီတပ်ဖွဲ့ဝင်များသည် အညာဒေသ ကားလမ်းမများပေါ်တွင် ဗြောင်ကျကျ ဓားပြတိုက်မှုများလုပ်ဆောင်နေသည်ဟု ခရီးသွားပြည်သူများ၊ ကုန်သည်များနှင့် မော်တော်ယာဉ်မောင်းများက ပြောသည်။ စစ်ကောင်စီတပ်သားများသည် ခရီးသွားများကို ကိုယ်ရေးအချက်အလက် စစ်ဆေးသည့်အခါ လိုသည်ထက် ပိုမိုစစ်ဆေးမေးမြန်းခြင်းများကြောင့် အညာတွင် မဖြစ်မနေ ခရီးသွားရသူများနှင့် ယာဉ်မောင်းများသည် စစ်ကောင်စီဂိတ်များဖြတ်ရတိုင်း အကြောက်တရားဖြင့် ရင်ဆိုင်နေရသည်ဟု ဆိုကြသည်။ စစ်ဆေးရေးဂိတ်များတွင် စစ်ကောင်စီတပ်ဖွဲ့ဝင်တွေက အကြောင်းပြချက်မျိုးစုံပြကာ ခရီးသွား ပြည်သူနှင့် ယာဉ်မောင်းများထံမှ ဓားပြတိုက်သလို ငွေကြေးတောင်းခံမှုများ ပြုလုပ်ကြသည်။