Sharing Information to the Local
မြင်းခြံမှာ အမျိုးသမီး ၂ ဦးနေအိမ်မှာ ပစ်သတ်ခံရ
ဩဂုတ်လ ၂ ရက် မနေ့ကမနက်ပိုင်းမှာ နှပ်ချိုတောကျေးရွာနေ မသက်မွန် ၃၇ နှစ်နဲ့ မခင်သီတာထွန်း ၃၉ နှစ်တို့ဟာ နေအိမ်မှာရှိနေချိန် လက်နက်ကိုင်လူတစုက လာရောက်ပစ်ခတ်သွားတာလို့ ဆိုပါတယ်။
သတင်းတို
ပုလဲမှာ ကျေးရွာပကဖ ခေါင်းဆောင်တဦးကို စစ်အုပ်စုက သတ်ပြီး နေအိမ်တွေပါမီးရှို့
“ဦးမြင့်သိန်းက မနက်စောစော ကင်းစောင့်နေတဲ့ရဲဘော်တွေအတွက် အကြော်သွားပို့တဲ့အချိန်မှာ အဖမ်းခံလိုက်ရတယ်။ သူတို့ဖမ်းပြီး ထိုးနက်ရိုက်နှက်ထားတယ်။ ခေါင်းလည်း နဲနဲကြေမွထားတယ်။ နောက်ဆုံး လည်ပင်းကိုလှီးသွားတယ်။ ကင်းစောင့်နေတဲ့ ကလေးတွေကတော့ လွတ်သွားတယ်” လို့ ပုလဲမြို့နယ် ပြည်သူ့အုပ်ချုပ်ရေးအဖွဲ့ခေါင်းဆောင် ကိုဇော်ထက် က မြေလတ်အသံ ကို ပြောပါတယ်။
PDF ၁ ဦးဖမ်းပေးရင် ၁၀ သိန်းပေးမယ်ဆိုတဲ့ ပျူစောထီးအုပ်ချုပ်ရေးမှူးဆိုသူ ရှင်းလင်းခံရ
"ရှင်းလင်းခံလိုက်ရတဲ့ ဒေါင်းတင်ဟာ စစ်ကောင်စီခန့်အုပ်ချုပ်ရေးမှူးလုပ်တာအပြင် ပျူစောထီးတာဝန်လည်း ထမ်းဆောင်နေတာ၊ သူဆီက လက်ရှိသိမ်းဆီးရမိတဲ့ ဖုန်းထဲမှာလည်း စစ်ကောင်စီနဲ့ဆက်သွယ်ထားတဲ့ အချက်အလက်တွေလည်းရှိတယ်" လို့ ဗိုလ်ရာကျော်က ပြောပါတယ်။
နှစ်ကြိမ်မီးရှို့ခံရလို့ ယာယီတဲနဲ့နေရသူတွေရဲ့တဲဆောင်တွေ ထပ်မံမီးရှို့ခံရ
ရမကန်ကျေးရွာကို စစ်ကောင်စီတပ်က ၂ ကြိမ်မီးရှို့ထားပြီး ယမန်နေ့က ၃ ကြိမ်မြောက်မီးရှို့ခံရတာမှာတော့ အသစ်ပြန်ဆောက်ထားတဲ့ ယာယီတဲဆောင် ၂၀ အပါအဝင် နေအိမ် ၂၇ ဆောင်မီးရှို့ခံရလို့ ပျက်စီးသွားတယ်လို့ ဆိုပါတယ်။
ဒီပဲယင်းတိုက်ပွဲ စစ်ကောင်စီဘက်က ၁၀ ဦးခန့်သေဆုံးနိုင်ပြီး PDF ၇ ဦး ဒဏ်ရာရရှိ (ရုပ်/သံ)
"ကျနော်တို့ဘက်က နေရာစုံမှာ လူခွဲစောင့်ပြီးတိုက်ခိုက်ခဲ့တယ်။ စစ်သားတွေက ရွာထဲကို လူစုခွဲခွဲပြီး ဝင်လာကြတာ။ နောက်ကဝင်လာတဲ့အဖွဲ့ကို မိုင်း ၅ လုံးပွိုင့်ခွဲခဲ့တယ်။ ၃ ဦးက မြောက်တက်သွားပြီးတော့ ၇ ဦးကလည်း လဲကျနေတာ မြင်လိုက်ရတယ်။ ၁၀ ဦးလောက်သေဆုံးပြီး ဒဏ်ရာရတာတွေလည်း များတယ်"လို့ ရွှေဘိုမြို့နယ်ပြည်သူ့ကာကွယ်ရေးအဖွဲ့ တာဝန်ရှိသူ အမျိုးသမီးတဦးက ပြောပါတယ်။
ဆားလင်းကြီးက မီးဘေးသင့်ပြည်သူတွေကို စားသောက်ကုန်နဲ့ အသုံးအဆောင်ပစ္စည်းတွေထောက်ပံ့
"ကျမတို့အဖွဲ့အနေနဲ့ တတ်နိုင်သလောက်ထောက်ပံ့ခဲ့တာပါ။ ညောင်ပင်ကြီးစစ်ရှောင် တွေအနေနဲ့ စစ်ရှောင်နေရတာ၂ လပြည့်တော့မှာရှင့်။ ရွာထဲမှာတပ်စွဲထားတော့ နေရပ်ပြန်မကပ်နိုင်ဖြစ်နေတာ" လို့ အညာပစ်တိုင်းထောင်လေးများအဖွဲ့ ဦးဆောင်သူတဦးက မြေလတ်အသံကို ပြောပါတယ်။
ရွှေတောင်မြို့နယ် ပြည်သူ့လွှတ်တော်ကိုယ်စားလှယ်နေအိမ်ကို စစ်ကောင်စီချိပ်ပိတ်
“ကျမနေတဲ့အိမ်ကို ချိပ်ပိတ်သွားတာပါ၊ ရဲတွေစစ်သားတွေက သေနတ်တွေချိန်ပြီး ချိပ်ပိတ်တာလို့ သိရတယ်။ ကျမအိမ်ကထွက်ပြီးကတည်းက ကျန်တဲ့မိသားစုဝင်တွေလည်း CDM တွေဆိုတော့ အိမ်မှာမနေကြတော့ အိမ်မှာက ဘယ်သူမှမရှိဘူး" လို့ ဒေါ်မြခွာညိုဦးက ပြောပါတယ်။
ဒီပဲယင်းမှာ စားရေးခက်နေတဲ့ စစ်ရှောင်ပြည်သူတွေကို ရိက္ခာနဲ့ငွေကြေးထောက်ပံ့
"Camp ၅ ခုကို ထောက်ပံ့ခဲ့ပါတယ်။ ဆီ၊ ငွေ နဲ့အသီးအနှံတွေ ကူညီခဲ့တာပါ။ တချို့စစ်ရှောင်တွေဆို လူချည်းပဲပြေးလာရတာတွေရှိတယ်။ စားဖို့က အရင်ဦးဆုံးခက်ခဲနေလို့ အခုလိုကူညီထောက်ပံ့ရတာပါ။ လူတွေကတော့ စုဖွဲ့နေတာရော လမ်းဘေးမှာရောဖြစ်သလိုနေကြရတယ်" လို့ စစ်ရှောင်ထောက်ပံ့ရေးအဖွဲ့ဝင်တဦးက ပြောပါတယ်။
ကနီမြို့မရဲစခန်းမှူး မွေးနေ့ပွဲ ဗုံးသီးချတိုက်ခိုက်ခံရလို့ စခန်းမှူးအပါ ၂ ဦးသေဆုံးဟုဆို
"မွေးနေ့ပွဲလုပ်နေတယ်လို့ သတင်းရတာနဲ့ သွားတိုက်ခဲ့တာ။ စခန်းမှူးနဲ့နယ်ထိန်းကတော့ ဗိုက်ပွင့်ပြီး ပွဲချင်းပြီးသေတယ်။ သေဆုံး၊ ဒဏ်ရာရတာကိုတော့ ဖရဲသီးပြောလို့အတည်ပြုနိုင်ခဲ့တာ" လို့ ယင်းမာပင်ခရိုင် တပ်ရင်း 21/22/23 KLG PDF (ကျောက်လုံးကြီး)မှ ပြန်ကြားရေးတာဝန်ခံ အေတီ က ပြောပါတယ်။
ဒလန်ဆိုသူလင်မယားကို ရှင်းလင်းခဲ့ပေမယ့် စစ်ကောင်စီဝါဒဖြန့်သလို မလုပ်ခဲ့ဟု မင်းလှပကဖ ပြော
"သူတို့ကို ဒလန်သတင်းပေးမလုပ်ဖို့ အကြိမ်ကြိမ်သတိပေးခဲ့တယ်။ မလိုက်နာဘူး။ ခု ကျနော်တို့ဘက်က စခန်းနေရာကိုတောင် စကစ ကိုသတင်းပေးဖို့ လုပ်နေလို့ လုံခြုံရေးအရ ရှင်းလိုက်တာဖြစ်တယ်။ ရှင်းချိန်မှာတောင် အမျိုးသားဖြစ်သူက ထွက်ပြေးလို့ လမ်းတနေရာမှာ ရှင်းလိုက်ရတာ။ သူတို့ကို လူမဆန်စွာ သတ်ဖြတ်ခဲ့တာမရှိဘူး။ ခုက စကစ ဘက်က PDF အချင်းချင်း ခေါင်းဖြတ်သတ်တယ်ဆိုပြီး သတင်းမှားဖြန့်နေတာ" လို့ မင်းလှမြို့နယ် ပကဖ တာဝန်ခံ ကပြောပါတယ်။
လူနေအိမ် မီးရှို့ပြီးပြန်လာတဲ့ စစ်ကြောင်း မိုင်းဆွဲခံရပြီး ၂ ဦးသေ၊ ၅ ဦး ဒဏ်ရာရ
မိုင်းဆွဲတိုက်ခိုက်ခံရတဲ့ စစ်တပ်ဟာ ရန်ကုန်တိုင်း တပ်မ ၁၁ လက်အောက်ခံ အင်းတကော် ၇၀၉ တပ်နဲ့ ၇၀၁ တပ်က ဖြစ်ပြီး ဩဂုတ် ၃ ရက် မနက် ၉ နာရီမှာ မိုင်း ၂ လုံးဆွဲကာ တိုက်ခိုက်တဲ့အပြင် လက်နက်ကြီး၊ လက်နက်ငယ်တွေနဲ့ပါ ပစ်ခတ်တိုက်ခိုက်ခဲ့တာဖြစ်ပါတယ်။
မြောင်မှာ အမျိုးသားတဦးကို စစ်တပ်က မီးရှို့သတ်ခဲ့
"ဘယ်ရွာကလည်းဆိုတာ မသိရသေးဘူး။ သနပ်ကုန်းကို စစ်ကြောင်း၀င်တုန်းမှာ လူနှစ်ယောက်က ဆိုင်ကယ်စီးလာတာနဲ့ ကြုံတာ။ ဖမ်းဆီးပြီး မီးရှို့သွားတာ။ ဘယ်သူမှန်း သေချာမသိရတော့ဘူး။ ခုထိ စုံစမ်းမရသေးဘူး။ တယောက်ကိုတော့ ကျောက်ရစ်စခန်းကို ခေါ်သွားတယ်" လို့ မြောင်မြို့နယ် CDSOM တပ်ဖွဲ့ခေါင်းဆောင် ကိုနွေဦးက မြေလတ်အသံကို ပြောပါတယ်။
ရေလယ်ကျွန်းမှာ စစ်ရှောင်ကလေးငယ် ၁ ဦးသွားကိုက်ဝေဒနာဖြစ်ရာက သေဆုံး
"ကလေးကထူထူထောင်ထောင် ရှိနေတာပါ။ဆေးခန်းလည်း တခါပြထားတယ်။ ညပိုင်း ၈ နာရီလောက်မှာ အခြေနေဆိုးလာတယ်။ အော်ဟစ်နေတာပေါ့။ ဆေးပေးခန်းကိုသွားတော့ အချိန်လွန်သွားပြီတဲ့။ မနက်ကြတော့ ကလေးမလေး ဆုံးရှာတယ်" လို့ ကူညီလုပ်ကိုင်ပေးသူတဦးက ပြောပါတယ်။
ရှိမ်းမကားရဲစခန်းရဲ့ ပေ ၁၀၀ ပတ်လည်က နေအိမ်နဲ့ လူတွေကို စစ်တပ်ကဖယ်ရှားခိုင်း
“ကာကွယ်ရေးအဖွဲ့တွေက လာပစ်ဖို့ရှိတယ်ဆိုပြီး ပြည်သူတွေကိုခြောက်လှန့်ပြီး ဖယ်ခိုင်းနေတာ။ စခန်းပတ်လည်က ပြည်သူတချို့က နေအိမ်တွေကနေ ဖယ်ပေးလိုက်ကြရတယ်" လို့ Wetlet Informational Network တာဝန်ရှိသူက မြေလတ်အသံကို ပြောပါတယ်။
စစ်ကောင်စီတပ်က တိုက်ပွဲမရှိဘဲ လက်နက်ကြီးနဲ့ပစ်လို့ အမျိုးသမီး ၁ ဦးသေပြီး၊ ၃ ဦးဒဏ်ရာရ
"တိုက်ပွဲကမရှိဘဲနဲ့ လက်နက်ကြီးတလုံးဘဲ ပစ်လိုက်တာ။ ဒေသခံတွေရဲ့ အိမ်နားကိုကျပြီး လူတွေထိခိုက်သေဆုံးတာရှိခဲ့တာ။ ထိခိုက်သေဆုံးသွားတဲ့ သူတွေကိုတော့ ဒေသအစီအစဥ်နဲ့ဘဲ ဆေးကုတာ၊ နာရေးကိစ္စတွေ လုပ်မှာလို့သိရတယ်။" လို့ ဒေသကာကွယ်ရေးအဖွဲ့ဝင်တဦးက ပြောပါတယ်။