"စစ်ကောင်စီစစ်ကြောင်းက ကုန်းကြီး၊ စလယ်၊ ဂွေပင်ကနေ စစ်ကြောင်းညှပ်ထိုးတယ်။ မနေ့က ဂွေးပင်ဘက်က ကင်းကပေါက်ပြီး ကင်းကဝင်လာတဲ့စစ်ကြောင်းနဲ့ တိုက်ပွဲတွေဖြစ်နေတာ။"
"မင်းတုန်းနယ်ထဲက ရွာတရွာမှာ တိမ်းရှောင်ဖို့သွားမယ်ဆိုပြီး လွန်ခဲ့တဲ့ ၁ လကျော်လောက်ကတော့ ပြောဖူးတာရှိတယ်။ ခုလည်းခရီးသွားရင်းဖမ်းခံရတယ်လို့တော့ လတ်တလောသိထားရတယ်"
"လမ်းမှာတွေ့တဲ့ကောင်လေးဆီက မင်းဆီကဓားကို ငါတို့ကိုပေးလို့ဆိုပြီးတော့ အဲကောင်လေးဆီက ဓားကိုတောင်းပြီးတော့ ငါတို့ကတောထဲကအဖွဲ့တွေ၊ ဒီဘက်ထဲမှာစစ်တပ်ထောက်ခံတဲ့သူရှိလား။ ငါ့နာမည် ဗိုလ်မဲလုံး၊ ငါက PDF ခေါင်းဆောင်လို့ပြောပြီး အဲ့ကောင်လေးကိုခေါ်လာတာ။ သက်ကယ်ကျင်းနားရောက်တော့ ပြန်လွှတ်လိုက်တယ်။"
မကွေးတိုင်း၊ မင်းဘူးမြို့နယ်၊ ကံသစ်ကျေးရွာမှာ အုပ်ချုပ်ရေးမှူးနဲ့ပေါင်းပြီး PDF သတင်းကိုစစ်ကောင်စီဆီပေးနေသူ နေအိမ်မှာပစ်သတ်ခံရပြီး အုပ်ချုပ်ရေးမှူးလည်း ဖမ်းခံရတယ်လို့ဒေသခံတော်လှန်ရေး အဖွဲ့ဝင်တွေဆီက သိရပါတယ်။
"ကားနဲ့ပါလာတဲ့သူက x-ray ဂိတ်ရောက်တော့ ပြည်သူတွေလမ်းဆင်းလျှောက်တဲ့နေရာမှာ သူက အဲ့ကမလျှောက်ဘဲ ဘေးကဖြတ်ထွက်သွားတော့ သူ့ကိုသံသယနဲ့ရှာတော့ မိသွားတာ။ သူက ပွဲစားလို့သိရတယ်။ မန္တလေးကိုပို့ဖို့ ဘတ် ၂၀,၀၀၀ ရမယ်ဆိုလို့သယ်လာတာ။ ဖရဲသီး (တပ်တွင်းသတင်းပေး) ဆီကသိရတာ။ "
မကွေးတိုင်း၊ နတ်မောက်မြို့နယ်၊ ဆုံမကျီးပင်ကျေးရွာက ပျူစောထီးခေါင်းဆောင် ကျေးရွာအနီးယာခင်းထဲမှာ ပစ်ခတ်ခံရပြီးသေဆုံးသွားတယ်လို့ နတ်မောက်မြို့နယ်ပကဖထံက သိရပါတယ်။
"သက်သေ သွားထွက်ရဲရင်ထွက်ကြည့် အပြင်ထွက်တာနဲ့ ဓားနဲ့ခုတ်မယ်ဆိုပြီးခြိမ်းခြောက်တာ။ အဲ့လိုဆိုတော့ ကြောက်နေကြတယ်။ ဒီရက်ပိုင်းထဲသူတို့ကသက်သေထွက်ရတော့မှာ"
" မျက်နှာချင်းဆိုင်ကြုံး(တိုက်)ပစ်တာ။ ကားက့လမ်းထဲမှာရှိနေတာ။ သူတို့(ဆိုင်ကယ်)ယိုင်ထိုးပြီး ဝင်လာတာကိုမြင်လို့ပဲလား ကားကဘရိတ်ဆွဲထားရာတွေလည်းတွေ့တယ်။ ကားကလမ်းကြောင်း မှန်တယ်။ ဆိုင်ကယ်ကဝင်တိုက်သွားတာ "
"အိမ်တွေကို ဝိုင်းပြီးပိတ်ပြီးမှ ၁ ယောက်ကို ၃ ချက်စီပစ်ခဲ့တယ်။ ရင်ဘတ်တွေခေါင်းတွေကို။ ကိုတင်ထွန်းဆိုသူက ဓားနဲ့ဆွဲလာပြီး ဆဲဆိုတာတွေရှိတယ်။ "
"ကြို့ပင်ကောက်ရဲစခန်းမှာ ဖမ်းထားပြီး ကလေးက တညအိပ်လိုက်ရတယ်။ နောက်တရက် မနက် ၉ နာရီ လောက် အတွေ့ခံမယ်ဆိုလို့ ညှိမယ်ပေါ့။ ငွေဖြင့်ငွေ လူစားထိုးမယ်ဆိုလည်း ထိုးမယ်လို့ သူတို့က ပြောလွှတ်လိုက်လို့ အေးရာအေးကြောင်း ပြန်လာကြတယ်။ ညှိလို့ရမယ်ဘဲထင်တာ။ မနက်လောက်ကျတော့ ထသွားတော့ ကလေးတွေကို ကားတွေနဲ့ခေါ်သွားပြီးဆိုတာသိရတာ"
နေပြည်တော်ကောင်စီနယ်မြေ၊ တပ်ကုန်းမြို့နယ်၊ ရန်ကုန်-မန္တလေးအမြန်လမ်းမှာ ရပ်ထားတဲ့ကားကို နောက်ကားက ဝင်တိုက်မိတာကြောင့် တိုက်မိတဲ့ကားပေါ်ပါသူ ၂ ဦးသေပြီး ၁၂ ဦးဒဏ်ရာရတယ်လို့ ဒေသခံတွေဆီက သိရပါတယ်။
"ရွာထိပ်မှာ ဂိတ်ဖွင့်ထားတာ။ ကျနော်တို့အခေါ်တော့ မဖဲဝါဂိတ်ပေါ့။ အဲ့ဂိတ်က ညဘက်ဆိုပြန်ခေါက်တယ်။ နေ့ပိုင်းမှာ ပြန်လာတာ။ ညပိုင်းမှာမိုင်းဝင်ထောင်ခဲ့ပြီး လာတဲ့အချိန်မှာမှ မိုင်းဆွဲခဲ့တာ။"
"ခုက ပိုဖမ်းပြီး ပိုက်ဆံပိုတောင်းနေကြတယ်။ (သိန်း)ခုနှစ်ဆယ်(၇၀) အနိမ့်ဆုံးတောင်းတာ။ (သိန်း) ၁၀၀၊ ၁၂၀ ထိတောင်းတာ။ အရင်တုန်းက ၁၀ သိန်း၊ ၁၅ သိန်း၊ ၅ သိန်းလောက် သွားယူလိုက် အဲလိုမျိုး။ ခုက ၁၀ ဂဏန်းသွားပြောရင် ထရယ်လိမ့်မယ်။ မကိုက်ဘူးဆိုပြီး။"
“ မိုင်းကွဲတဲ့အသံကြားပြီးတော့ ပွင့်ဖြူမြို့ရဲစခန်းက ရဲစခန်းမှူးနဲ့ ရဲတပ်သားတွေရောက်လာတာမှာ နောက်ထပ် ၁ ကြိမ် အဝေးထိန်းမိုင်း ၁ လုံးနဲ့ထပ်ခွဲလိုက်တာ ထိခိုက်ဒဏ်ရာရသူတွေများပါတယ် “
"ဒိုးတန်းမှာအထိုင်ချထားတဲ့တပ်ကို စစ်တောင်းမြစ်ကူးပြီး သွားပစ်တာ။ ပြဿနာကမြစ်ရေကြီးထားတော့နုန်းတွေက ပေါင်လည်လောက်ဖြစ်နေတော့တိုက်ပွဲက မတွင်ဘူးပေါ့။ အဲ့မှာ ကိုယ့်ရဲဘော် ၁ ယောက်ကလည်း မိုင်းအက်စီးဒင့်ဖြစ်တော့ ပြန်ခွာခဲ့ရတယ်။ နာရီဝက်လောက်ပါပဲ ဖြစ်တာက"
Sharing Information to the Local