စစ်ကိုင်းတိုင်း၊ ဆားလင်းကြီးမြို့ပေါ်ကို ဝင်ရောက်လာတဲ့ စစ်ကောင်စီတပ်ဖွဲ့ဟာ NUG လက်အောက်ခံ ဆရာ၊ဆရာမတွေကို တည်ဆဲဥပဒေနဲ့ အရေးယူမယ်လို့ ခြိမ်းခြောက်ရေးသားထားတဲ့ လက်ကမ်းစာစောင်တွေကို လိုက်လံဖြန့်ဝေနေတယ်လို့ ဒေသခံတွေဆီက သိရပါတယ်။
"စစ်သားနဲ့ပျူတွေက ခန့်မှန်းအင်အား ၃၀ လောက်နဲ့ ထွက်လာတာကို မိုင်းဆွဲတိုက်ခိုက်ပြီး လက်နက်ငယ်တွေနဲ့ ပစ်တာပါ။ သူတို့ကလည်း ပြန်ပစ်တယ်။ ကြာမြင့်ချိန် မိနစ် ၂၀ လောက်တော့ ရှိမယ်။ မျက်မြင်ကတော့ စစ်အုပ်စုဘက်က ၅ ဦး သေတယ်။ ဝက်လက်ဆေးရုံကို ရောက်နေတဲ့ ၂ ယောက်လည်း ပြင်းထန်ဒဏ်ရာရတယ်" လို့ လျှပ်စီးပြောက်ကျားတပ်ဖွဲ့ - ဝက်လက်ရဲ့ သတင်းပြန်ကြားရေးတာဝန်ခံ မွန်ကြီးက ပြောပါတယ်။
“၁ ရက်နေ့က ၃ ကြိမ်လောက် ပစ်တယ်။ ဒီနေ့လည်း ၂ နာရီခွဲလောက်က လာပစ်သွားတယ်။ သူတို့ဘက်က အကျဆုံးများတယ်။ မနေ့ကရယ် ဒီနေ့ရယ် သဂြိုလ်ပေးရတာကို ၂၀ ကျော်ပြီလို့ ကြားတယ်။ သူတို့ဘက်က စားပေါက် တကယ်ခိုင်တဲ့မြို့ဖြစ်လို့ ကိုယ်တွေဘက် အပါမခံဘဲ ဆက်တိုက်ဖိနေတာ” လို့ HPDF 124 အဖွဲ့ ရဲဘော်တဦးက ပြောပါတယ်။
“မနေ့ကအမျိုးသမီးက ကျွဲ၊ နွားတွေသွားလှန်ရင်းပိုးထိသွားတယ်။ သူ့ကိုကိုက်လိုက်တဲ့ ကောင်ကတော်တော်ကြီးတာ၊ အဲဒါကြောင့် သူ့ကို BPI မြွေဆိပ်ဖြေဆေးခြောက်လုံးနဲ့ အိန္ဒိယမြွေဆိပ်ဖြေဆေး ၄ လုံး စုစုပေါင်း ၁၀ လုံးထိုးထားပေးတယ်။ ဒီမနက်ကိုက်ခံရတဲ့ အမျိုးသမီးကလည်း ၈၀ ရာခိုင်နှုန်းလောက်က သက်သာလာပါပြီ” လို့ ဆိုပါတယ်။
“အမျိုးသားကတော့ စစ်ကြောရေးမှာ စစ်ဆေးရင်းနဲ့လက်လွန်သွားပြီး သေဆုံးတယ်၊ မနေ့ကညနေမှာ သင်္ဂြိုလ်လိုက်တယ်၊ အမျိုးသမီးကတော့ စစ်ကြောရေးအချုပ်ထဲမှာပဲ ရှိသေးတယ်၊ စစ်ကြောရေးလုပ်တဲ့နေရာက ဗိုလ်အိမ်လုံးတွေထဲမှာ လုပ်တာ” လို့ ဆက်ပြောပါတယ်။
စစ်ကောင်စီက စစ်ကိုင်းတိုင်း၊ ခင်ဦးမြို့နယ်ကို စစ်အုပ်ချုပ်ရေးဒေသအဖြစ် ကြေညာပြီးနောက် ဖေဖော်ဝါရီလ ၃ ရက် ဒီမနက် ၉ နာရီမှာ နယ်ထိန်းခေါင်းဆောင်တဦးနဲ့ ရဲတပ်သားတဦးတို့ကို ဒေသကာကွယ်ရေးတပ်တွေက ရှင်းလင်းနိုင်ခဲ့ပြီး သူတို့ကိုင်ဆောင်ထားတဲ့ G3 လက်နက် ၂ လက်ကိုပါ သိမ်းယူနိုင်ခဲ့တယ်လို့ သိရပါတယ်။
"Martial Law ဆိုတာက စစ်ဗိုလ်ချုပ်တွေကို သူတို့သက်ဆိုင်ရာ နယ်မြေအလိုက် စိတ်ကြိုက်စီမံပိုင်ခွင့်ပေးလိုက်တာနဲ့တူတယ်။ သူတယောက်တည်းရဲ့ အဆုံးအဖြတ်နဲ့ အားလုံးက လိုက်နာရမယ့်သဘော။ ခုချိန်မှာ စစ်ကောင်စီက သူတို့လုပ်နိုင်တဲ့အရာအားလုံးကို လုပ်တော့မှာ ဖြစ်သလို ပြည်သူတွေနဲ့ ကာကွယ်ရေးအဖွဲ့တွေအပေါ်ကိုလည်း ယခင်ကထက် ပိုဖိနှိပ်လာတော့မှာဖြစ်လို့ မပေါ့ဆဖို့လိုတယ်"
အဲ့ဒီရွာမှာ စစ်တပ်ကလည်း အထိုင်ချတပ်စွဲထားပြီး ရွာခံပျူစောထီးတွေ ပူးပေါင်းကာ နီးစပ်ရွာကျေးရွာတွေကို စစ်ကြောင်းထိုး မီးရှို့တာတွေ လုပ်နေတာကြောင့် ၆၀ မမ အပါအဝင် လက်နက်ကြီးတွေနဲ့ တိုက်ခိုက်ခဲ့တာလို့ မြေအောက်လျှပ်စီးပြောက်ကျားတပ်ဖွဲ့ ခေါင်းဆောင် ဗိုလ်မုန်တိုင်းက မြေလတ်အသံကို ပြောပါတယ်။
“ကျတော်တို့က ဥက္ကဌအိမ်ကို အတင်းဝင်ပစ်ပြီး ဝင်စီးပြီးသွားပြီ။ အိမ်ထဲကဟာတွေလည်း အကုန်ငြိမ်သွားပြီ။ အဲ့အချိန်အိမ်အပြင်ဘက် အိမ်သာဘက်က ပစ်တဲ့ကျည်က ကလေး ၂ ယောက် မှန်သွားတာ။ အဲ့ပစ်တဲ့ဘက်ကို နောက်ကပတ်ဝင် သံပုရာသီး ၂ လုံး ပစ်ထည့်ပြီး ကလေးတွေကို ကယ်ဖို့ပြန်တက်ချိန် ကျဆုံးသွားကြပြီ” လို့ MGN Tiger အဖွဲ့ တာဝန်ရှိသူက ပြောပါတယ်။
"ညောင်ပင်ဝန်းရွာက ရဲစခန်းပါ။ ခေတ်ကောင်းတုန်းကတော့ ရဲစခန်းပါ။ ခေတ်မကောင်းတော့ ရဲရော စစ်ခွေးရော ပေါင်းနေနေတာပါ။ မနေ့ကနေ့လည် ၁၁ နာရီဝန်းကျင်လောက်က မီးရှို့ပြန်လာတာကို တကြိမ်တိုက်ခိုက်ပြီး စစ်အုပ်စုက ညောင်ပင်ဝန်းရဲစခန်းကို ညနေ ၄ နာရီလောက် ပြန်ရောက်ချိန်မှာ လက်နက်ကြီးနဲ့ ထပ်ပြီး တိုက်ခိုက်တာပါ" လို့ ယက္ခညီနောင်အဖွဲ့ တာဝန်ရှိသူက ပြောပါတယ်။
"မြေပြင်ကပေးပို့လာတဲ့သတင်းအရ သူ့ကိုသွားရောက်ပစ်ခတ်ရှင်းလင်းတဲ့အခါ သူနေနေတဲ့ခြံကနေ တပြေးရဲစခန်း စကစ တွေရှိတဲ့နေရာကိုပြေးတာ၊ အနောက်ကနေအဖွဲ့တွေက လိုက်ပစ်ခဲ့ရတယ်။ တပြေးစခန်းထဲမှာရှိနေတဲ့ စကစ တွေကတောင် ဒီဘက်ကအဖွဲ့တွေကို ပြန်ပစ်တာတွေရှိခဲ့သေးတယ်။ ဒါပေမယ့် အဖွဲ့တွေကထိခိုက်တာမရှိခဲ့ဘူး" လို့ပြောပါတယ်။
"ဒီဒေသတွေဟာ တော်လှန်ရေးအင်အားစုတွေဘက်က နယ်မြေစိုးမိုးမှုကောင်းမွန်နေတဲ့ ဒေသတွေဖြစ်တယ်။ စစ်ကောင်စီဘက်က ၆ လ သက်တမ်းတိုးထားတော့ အဲ့ဒီကာလအတွင်းမှာ စစ်အုပ်ချုပ်ရေးကြေငြာပြီး ထိမ်းချုပ်နိုင်ဖို့ ပြင်ဆင်လာတယ်လို့ ယူဆတယ်။ အမှန်တကယ်ဆိုရင် မကွေး ၅ မြို့နယ်က (နမခ) ကွပ်ကဲမှုဒေသတွေ ဖြစ်တယ်။ အဲ့တာကို (နမခ)နယ်မြေထဲကနေ ခွဲထုတ်ပြီးတော့ (လပခ) ကွပ်ကဲမှုအောက်ကို ဆွဲသွင်းပြီးတော့ ကွပ်ကဲခိုင်းတာဟာ ပိုမိုလွယ်ကူစွာနဲ့ ထိမ်းချုပ်နိုင်မယ်လို့ ယူဆလို့ ခွဲထုတ်လိုက်တာ ဖြစ်တယ်။ ရှေ့လျောက် ဒီဒေသတွေမှာ စစ်ကောင်စီဘက်က လူသတ်မီးရှို့မှုတွေနဲ့ နှစ်ဖက်တိုက်ပွဲတွေ ပိုမို ပြင်းထန်လာနိုင်တယ်" လို့ CDM တပ်မတော်သား အရာရှိတဦးက ပြောပါတယ်။
“ပခုက္ကူမြို့နယ်၊ ကန်တော်နဲ့ကမ္မအကြားမှာ ကား ၂ စီးနဲ့လာတာ၊ ရပ်ခိုင်းတာမှာ စစ်တဲ့အဖွဲ့ကိုတိုက်မဲ့ပုံစံလုပ်တာနဲ့ ကျနော်တို့ ပစ်တော့တာ၊ ထိတာက ၄ ကောင်ထိတယ်၊ လျှပ်စစ်မှူးနဲ့ ပျူ ၃ ကောင်ထိတယ်၊ ပျူ ၂ ကောင်ကသေတယ်၊ လျှပ်စစ်မှူးရဲ့ဖုန်းကတော့ ကားပေါ်ကကျကျန်ခဲ့လို့ ရလိုက်တယ်” လို့ ပြောပါတယ်။
"မတ္တရာမြို့ပေါ်ကနေ စကျင်ရွာကို ကားနဲ့လာပြီး တခါခြေလျင်ဆက်လာတာကို ကျနော်တို့က ဟင်္သာရွာရောက်ခါနီးမှာ ဗုံးကြဲခဲ့တာ။ မျက်မြင်အရ စစ်သား ၄ ဦးနေရာတင် လဲကျသွားတယ်။ ရွာသားတွေ ပြောတာကတော့ ပျူ ၂ ဦးလည်း သေတယ်လို့ ပြောတယ်" လို့ Uniron အဖွဲ့ သတင်းတာဝန်ခံက ပြောပါတယ်။
“မိုင်းဆွဲလိုက်တဲ့ အချိန် ၄ ယောက် ကျသွားပြီး ၃ ယောက် ဒဏ်ရာရသွားတာကို နီးစပ်ရာတွေဆီက သိရတယ်။ မိုင်းဆွဲခံရပြီးတော့ သူတို့က မြင်းမူဘက်ကို မောင်းသွားပြီး မြင်းမူ ဆေးရုံမှာ ဒဏ်ရာရတဲ့သူ ၃ ယောက်ထဲက တယောက်က ကျသွားတယ်။ မြင်းမူဘက်မှာ ရောက်တော့ ထိခိုက်သေဆုံးတာတွေကို ပိုပြီးတော့ အတည်ပြုနိုင်တာပါ” လို့ ဗိုလ်မုန်တိုင်းက ဆိုပါတယ်။
Sharing Information to the Local