"စစ်တပ်က ဖေဖေါ်ဝါရီ ၂၀ ရက်နေ့ညနေကတည်းက ဝင်လာတာပါ။ ကျနော်တို့ပူးပေါင်းအဖွဲ့က၂၁ ရက်မနက်ကတည်းက စတိုက်တာပါ။ ၂၃ ရက်မနက်အစောကြီးမှာတော့ စစ်တပ်ကပိုဝတောင်ရွာကနေ သဖန်းဒေါင့်ရွာဘက်ကို ဆက်ထွက်သွားတယ်၊ ဒီကောင်တွေက ဒရုန်းရန်ကြောက်တော့ နေ့ခင်းဖက်မထွက်ရဲဘူးလေ" လို့ ပြောပါတယ်။
မြေလတ်ဒေသ စစ်ကိုင်း၊ မကွေး၊ ပဲခူး အတွင်းက တပတ်အတွင်းဖြစ်ပျက်ခဲ့တဲ့ သတင်းတွေကို တင်ဆက်ထားတာဖြစ်ပါတယ်။
ဒေသခံတွေကို အနိုင်ကျင့်ဆပ်ကြေးကောက်နေတဲ့ အဲ့ဒီပျူရွာကိုတိုက်ခိုက်ခဲ့တာဖြစ်ပြီး တိုက်ပွဲအတွင်း စစ်အုပ်စုဘက်က ထိခိုက်သေဆုံးမှုများခဲ့လို့ စစ်ကောင်စီဘက်က လက်နက်ကြီး၊ Mi 35 ရဟတ်ယာဥ်တွေနဲ့ ၁ နာရီကျော်ကြာလှည့်လည်ပစ်ခတ်ခဲ့တယ်လို့ ရေစကြို PDF တာဝန်ရှိသူ ရဲဘော်ဝေကြီးက မြေလတ်အသံ ပြောပါတယ်။
စစ်ကိုင်းတိုင်း၊ ရွှေဘိုမြို့နယ်ထဲက အမျိုးသားညီညွတ်ရေးအစိုးရ - NUG ဖွင့်လှစ်ထားတဲ့ မူလတန်းလွန်ကျောင်းတခုကို မလေးရှားနိုင်ငံ ဂျိုဟိုးစီနိုင်း ၂၂၂၂၂ ပြည်ပထောက်ပို့အဖွဲ့ စာရေးကိရိယာတွေ လှူဒါန်းပေးခဲ့တယ်လို့ သိရပါတယ်။
မကွေးတိုင်း၊ ရေစကြိုမြို့နယ်၊ ပခန်းငယ်ရွာမှာ လုံခြုံရေးယူနေတဲ့ စစ်အုပ်စုကို ညအချိန် ဝင်ရောက်တိုက်ခိုက်ခဲ့တာကြောင့် ရဲတဦး သေဆုံးကာ တဦး ထိခိုက်ဒဏ်ရာ ရရှိခဲ့တယ်လို့ ပခုက္ကူခရိုင်တပ်ရင်း ၁၀၊ တပ်ခွဲ ၁ သိန်းဌက်ပြောက်ကျားတပ်ဖွဲ့က သတင်းထုတ်ပြန်ထားပါတယ်။
စစ်ကိုင်းတိုင်း၊ အရာတော်မြို့နယ်မှာ စစ်ကောင်စီ စစ်ကြောင်းတခုနဲ့ PDF တို့ ဖေဖော်ဝါရီ ၂၃ ရက်မနက် ၁၀ နာရီမှာ ထိပ်တိုက်တွေ့ဆုံပြီး တိုက်ပွဲဖြစ်ပွားခဲ့တာကြောင့် စစ်ကောင်စီတပ်သား ၁၀ ဦး သေဆုံးခဲ့တယ်လို့ သိရပါတယ်။
"လက်ရှိမှာတော့ ပွဲကရပ်ထားတာမျိုးတော့ မဟုတ်ပါဘူး။ အခုလုပ်နေတဲ့ အီနာဂါဗုံးသီးတွေက ကျနော်တို့ ကိုယ်တိုင် လုပ်တယ်။ ကိုယ်တိုင် ထုတ်တယ်။ Drone နဲ့ သွားတိုက်တဲ့အခါ အဲဒါတွေက လိုအပ်တယ်လေ။ ကျနော်တို့ အားတဲ့အခါမျိုးတွေမှာ အမြဲလုံးတယ်" လို့ ဆိုပါတယ်။
"ဇီးသီးက အဓိက အားထားရာ စိုက်ပျိုးသီးနှံ မဟုတ်ပေမယ့် သူက တဖက်တလမ်းကလည်း ဝင်ငွေရတဲ့ အလုပ်လုပ်ပါပဲ။ အိမ်မှာ တခြားလုပ်ငန်း မရှိသူတွေနဲ့ ကလေးတွေက တောင်ယာလိုက်ရင်း ကောက်ကြတယ်။ တချို့လည်း ဇီးသီးချိန်ဆို ဇီးခွဲစက် ဇီးပွဲရုံတွေမှာ အလုပ်ရကြတယ်။ ရာသီချိန်ကုန်ရင်တော့ တခြားအလုပ်ပြောင်းလုပ်ရတာပေါ့" ဟု မကွေးမြို့နယ်ထဲက အမျိုးသမီးတဦးက ပြောပါတယ်။
"လူငယ်တွေကို အဓိကဖမ်းတယ်။ ဘယ်သွားမှာလဲ၊ ဘယ်ကလာလဲ၊ ခန္ဓာကိုယ်ကိုစမ်းလို့ တခုခုမင်္သကာရင် ဆိုင်ကယ်သော့ဖြုတ်ထားလိုက်တယ်။ သူတို့လက်ထဲပစ္စည်းရောက်သွားရင် ဘယ်တော့မှ အလကားပြန်မပေးဘူး။ ငွေအကြိုက်ညစ်တာ၊ တချို့ဆိုအရှုံးခံလိုက်တယ်။ ကျနော်ကိုယ်တွေ့မို့ပါ" လို့ ဆိုပါတယ်။
မကွေးတိုင်း၊ ဂန့်ဂေါခရိုင်၊ ဂန့်ဂေါမြို့နယ်အတွင်း စစ်ကောင်စီတပ်တွေရဲ့မီးရှို့ဖျက်ဆီးမှုကို ကာကွယ်နိုင်ဖို့အတွက် မီးငြိမ်းသတ်ရေးနဲ့ ရှာဖွယ်ကယ်ဆယ်ရေး လုပ်ငန်းတွေကို လုပ်ဆောင်ဖို့ မီးဘေးလုံခြုံရေးအဖွဲ့ ဖွဲ့စည်းခဲ့တယ်လို့ ဂန့်ဂေါမြို့နယ်-ပြည်သူ့အုပ်ချုပ်ရေးအဖွဲ့ဆီက သိရပါတယ်။
စစ်ကိုင်းတိုင်း၊ စစ်ကိုင်းမြို့အခြေစိုက် အမှတ် ၃၃ ခြေမြန်တပ်မဌာနချုပ် (တမခ ၃၃)ကနေ စစ်သားအင်အားအပြည့်နဲ့ ထွက်ခွာလာတဲ့ ကား ၂ စီးကို ဖေဖော်ဝါရီလ ၂၃ ရက်နေ့ ညပိုင်းက မြင်းမူမြို့နယ်ထဲမှာ မိုင်းဆွဲတိုက်ခိုက်ခံခဲ့ရတယ်လို့ သိရပါတယ်။
စစ်ကိုင်းတိုင်း၊ တမူးမြို့နယ်၊ ပြည်သူ့ကာကွယ်ရေးတပ်မတော် တပ်ရင်း (၃) နယ်မြေစိုးမိုးထားတဲ့ ဒေသအတွင်းက စစ်ဘေးသင့်ပြည်သူတွေရှိတဲ့ ကျေးရွာ ၄ ရွာကို မနေ့ကဖေဖော်ဝါရီလ ၂၃ ရက်နေ့မှာ အခြေခံစားသောက်ကုန်တွေ သွားရောက်လှူဒါန်းခဲ့တယ်လို့ သိရပါတယ်။
မန္တလေးတိုင်းဒေသကြီး၊ မဟာအောင်မြေမြို့နယ်၊ ၈၇ လမ်းနဲ့ ၈၉ လမ်းကြား၊ ၃၅ လမ်းပေါ်မှာ ဆိုင်ကယ်စီးလာတဲ့ အမျိုးသမီး ၁ ဦးကို လုယက်ဖို့ ကြိုးစားသူကို ပြည်သူတွေက ဝိုင်းဖမ်းပေးခဲ့ရတယ်လို့ သိရပါတယ်။
မကွေးတိုင်း၊ ရေစကြိုမြို့အခြေစိုက် ခလရ ၂၅၈ တပ်ထဲက ထွက်လာတဲ့ စစ်သားတွေကို ဖေဖေါ်ဝါရီလ ၂၃ ရက် မနေ့ကနေ့လယ်ပိုင်းမှာ ပဒေသာမိုင်းနဲ့ တိုက်ခိုက်ခဲ့တယ်လို့ ပြည်သူ့ကာကွယ်ရေးတပ်ဖွဲ့ - ရေစကြိုမြို့နယ်က သတင်းထုတ်ပြန်ထားပါတယ်။
မကွေးတိုင်း၊ မင်းတုန်းမြို့နယ်၊ ဝက်ကော်ကျေးရွာအုပ်စု၊ ဝက်ကော်ကျေးရွာ အုပ်ချုပ်ရေးမှူး ဖေဖော်ဝါရီလ ၂၃ ရက် မနေ့ကမနက် ၈ နာရီလောက်မှာ ဖမ်းဆီးသတ်ဖြတ်ခံလိုက်ရတယ်လို့ သိရပါတယ်။
Sharing Information to the Local