သပိတ်စစ်ကြောင်းမှာ “တရားတဲ့သူသာ နိုင်ကြေးဟေ့” စာတန်းပါဘန်နာကိုကိုင်ကာ “ငါတို့အားလုံး ကိုဂျင်မီ၊ ငါတို့ အားလုံးကိုဖြိုးဇေယျာသော်၊ ငါတို့ အားလုံး ကိုအောင်သူရဇော်နဲ့ ငါတို့အားလုံး ကိုလှမျိုးအောင်” ဆိုတဲ့ ကြွေးကျော်သံတွေ ဟစ်ကြွေးပြီး လမ်းလျှောက်ဆန္ဒပြခဲ့ကြတာလို့ ဆိုပါတယ်။
“အမှတ် ၃ ရပ်ကွက်ထဲကတင် သုံးယောက်ပေါ့ဗျာ၊ အာနိုးကတော့ ပေါက်ခေါင်းကနေ ပေါင်းတလည် မြို့ဘက်ကို ဆိုင်ကယ်နဲ့ ဈေးရောင်းသွားတာမှာ ဖမ်းခံလိုက်ရတာ၊ ပိုဆိုးတာက ကျောက်ကပ် တလုံး ထုတ်ထားတဲ့ ပိတ်ဆို့ကိုပါဖမ်းတာ၊ အမှတ် ၃ ရပ်ကွက်အုပ်ချုပ်ရေးမှူးက နုတ်ထွက်ယောင်ပြပြီး စာရင်းပါသူတွေရော မပါသူတွေရော ဖုန်းနဲ့စီစဉ်ပြီး ဖမ်းခိုင်းနေတာ”
စစ်ကောင်စီတပ်သား အင်အား ၄၀ ခန့်တပ်စွဲစခန်းချထားတဲ့ ကံကြီးကုန်းကျေးရွာအနီးဝန်းကျင်ကို ချောင်းဦးပကဖ အဖွဲ့ဝင်တွေက နယ်မြေတိုးချဲ့ထိန်းချုပ်ဖို့ ဆောင်ရွက်နေချိန် စစ်ကောင်စီကင်းအဖွဲ့ နဲ့ ၅ မိနစ်ဝန်းကျင် ထိတွေ့မှုဖြစ်ခဲ့တာလို့ ဆိုပါတယ်။
ဖွဲ့စည်းပုံအခြေခံဥပဒေ ပုဒ်မ ၄၁၇ အရ အရေးပေါ်အခြေအနေကြေငြာမှု၊ ပုဒ်မ ၄၁၂ အရ အရေးပေါ် အခြေအနေကြေညာမှုတွေနဲ့ဆက်စပ်ပြီး ဆောင်ရွက်ရင် အရေးပေါ်ကာလမပြီး မြောက်သေးတဲ့ကာလအတွင်း အမျိုးသားကာကွယ်ရေးနဲ့ လုံခြုံရေးကောင်စီ(ကာလုံ) မှာပါဝင်တဲ့ ပုဂ္ဂိုလ်အချို့ လစ်လပ်သွားစေကာမူ ကျန်ရှိတဲ့ပုဂ္ဂိုလ်တွေနဲ့ ဖွဲ့စည်းပုံအခြေခံဥပဒေကပေးထားတဲ့တာဝန်တွေကို မလွဲမသွေ ဆက်လက်ဆောင်ရွက်ရမှာဖြစ်တယ်လို့ စစ်ကောင်စီပြောခွင့်ရက ဆိုပါတယ်။
ဇူလိုင်လ ၁၀ ရက်က စတင်ကာ ဧရာဝတီမြစ်ရေဟာ တဖြည်းဖြည်းမြင့်တက်လာပြီး နေအိမ်တွေ အတွင်း ရေဝင်ရောက်တာကနေ နေအိမ်တွေနစ်မြုပ်တဲ့အထိ မြင့်တက်လာတာပါ။
မိုးတွင်းကာလမှာ တောင်ပေါ်ဒေသကနေ မြေပြန့်ကို ရိက္ခာအတွက် စျေးဝယ်ဖို့ သွားလာရခက်ခဲတဲ့အတွက် မီးဖိုချောင်စားသုံးသီးနှံတွေကို စိုက်ပျိုးဖြစ်တာဖြစ်ပြီး စိုက်ပျိုးမြေနေရာကိုတော့ ဒေသခံမြေပိုင်ရှင်က ကူညီပေးခဲ့တယ်လို့ တပ်ရင်း ၂ ဒုတပ် ရင်းမှူး စူပါ ကပြောပါတယ်။
“စပါးစိုက်ပျိုးတဲ့ အဓိကအချက်ကတော့ အမြဲတမ်းအလှူခံနေမယ့်အစား ကိုယ်တိုင်လည်း လုပ်နိုင်စွမ်းရှိတယ်၊ ကျနော်တို့ကို ထောက်ပံ့နေတဲ့ အထောက်အပံ့တွေလျော့သွားအောင် ကိုယ့်ဝမ်းစာကိုယ်ရှာတဲ့ အဆင့်ရောက်အောင်ကြိုးစားနေတာပါ။ ပြည်သူအများစုရဲ့ လယ်ယာမြေလစ်လပ်မှုမရှိအောင်လည်း ပါတာပေါ့”
“သူက လိုက်ဖမ်းတဲ့အချိန်မှာ ထွက်ပြေးတာ၊ သူဆိုင်ကယ်စီးလာတာကို တားဖမ်းတယ်၊ အဖမ်းမခံဘဲ ထွက်ပြေးတာ၊ ကျနော်တို့ မိတာ ၅၀ အကွာလောက်ကနေ ပစ်လိုက်တာ၊ ပစ်လိုက်တာမှာ သေနတ် ၃ ချက်မှန်ပြီး သေသွားတာ” လို့ ရေနံချောင်းမြို့နယ်ပြည်သူ့ကာကွယ်ရေးတပ်ဖွဲ့မှ ဗိုလ်စံသျှားက ပြောပါတယ်။
"နှစ်ဖွဲ့စလုံးကလည်းမူးနေတယ်။ ကလပ်ထဲကတည်းက ဘယ်လိုပြဿနာကြောင့် ငြိလာကြလည်းတော့မသိဘူး၊ လမ်းကျမှ ရိုက်ကြတာ။ ၄ ယောက်အဖွဲ့ထဲက တယောက်ကတော်တော်ထိသွားတယ်"
အရင်နှစ်တွေက ခမဲပြင်ဘုရားပွဲကို ကျင်းပရာမှာ ပွဲလာရောက်သူတွေအနေနဲ့ ပိုက်ဆံပေးရတာမျိုး မရှိခဲ့ဘူးလို့ ဆိုပါတယ်။ အခုကောက်ခံထားတဲ့ပိုက်ဆံတွေကိုလည်း စစ်ကောင်စီနဲ့ ပျူစောထီးတွေက ကိုယ့်ကျိုးအတွက် အသုံးပြုနေကြတာဖြစ်တယ်လို့ သူက ဆက်ပြောပါတယ်။
မကွေးတိုင်း၊ မင်းဘူးခရိုင်ထဲမှာ အခြေစိုက်တဲ့ မင်းဘူးခရိုင် အမှတ် ၇ တပ်ရင်း တည်ထောင်ခြင်း တနှစ်ပြည့် အထိမ်းအမှတ်အနေနဲ့ ဇူလိုင် ၂၁ ရက်က တပ်ဖွဲ့ဝင်တွေကို ပိုက်ကျော်ခြင်းခတ်ပြိုင်ပွဲ ကျင်းပပေးခဲ့တယ်လို့ တပ်ရင်းရဲ့ သတင်းပြန်ကြားရေးအဖွဲ့ဝင်တဦးက ပြောပါတယ်။
“ကျနော်တို့ဘေးနားတင် ၃ ယောက်ကျသွားတာ။ ကျန်တဲ့ ၂ ယောက်ကတော့ ၁၀ မီတာအတွင်းမှာ ကျတယ်၊ ၁ ကောင်က ဒဏ်ရာနဲ့ထွက်ပြေးသွားတယ်။ လက်နက်ကောက်လို့ရခဲ့တာက ၃ လက်ပေါ့။ ကျန်တဲ့ ၂ လက်က ကောက်လို့အဆင်မပြေလိုက်ဘူး။ ပစ်ခတ်မှုဖြစ်တဲ့နေရာနဲ့ သူတို့တပ်စွဲထားတဲ့နေရာက မီတာ ၁၀၀ လောက်ပဲကွာတာဆိုတော့ သူတို့စစ်ကူက တန်းရောက်လာတာ။”
"ကားက နတ်မောက်ထွေအုပ်က လိုင်စင်မဲ့ကားဆိုတာ သေချာတယ်။ အဲဒီကားနဲ့ စိုင်ခေါင်ရဲစခန်းရှေ့မှာ ဒေသခံတွေကို ဖမ်းဆီးငွေညှစ်ပြီး ပြန်လာတာကို ဝိုင်းပစ်ခဲ့တာပါ။ ကားရှေ့လေကာမှန် ကွဲကျခဲ့တယ်။ ထိခိုက်တာတွေလည်းရှိတယ်
ဇူလိုင် ၂၂ ရက် မနက် ၇ နာရီကျော်ခန့်မှာ ရန်ကုန်ဘက်နေ နေပြည်တော်ဘက်ကို မောင်းလာတဲ့ Toyota Wish အဖြူရောင်ယာဥ်ဟာ လမ်းအတိုင်းမောင်းလာစဥ် ကားလမ်းမိုင်တိုင်အမှတ် (၁၀၉/၀) နဲ့ (၁၀၉/၁)ကြား အရောက်မှာ အရှိန်မထိန်းနိုင်ဘဲ လမ်းချော်ပြီး လမ်းလယ်ကျွန်းကို ဝင်တိုက်မိခဲ့တာလို့ ဆိုပါတယ်။
ဖမ်းဆီးရမိသူဟာ စဉ့်ကူးမြို့နယ်၊ ရေတော်ရွာမှာအခြေပြုတပ်စွဲနေတဲ့ ပျူစောထီးခေါင်းဆောင် မောင်နိုင် (ဒေသအခေါ် ရေတော်မောင်နိုင်)ဆိုသူဖြစ်ပြီး ဇူလိုင် ၁၆ ရက်မှာ တော်လှန်ရေးတပ်တွေက ရေတော်ကျေးရွာကို တိုက်ခိုက်သိမ်းပိုက်စဉ် ၎င်းရဲ့သားဖြစ်သူ ပျူစောထီး ၂ ဦးအပါ မိသားစုဝင်တွေနဲ့ ပျူစောထီးအဖွဲ့ဝင် ၄၀ ဦးတို့ကို လက်နက်ခဲယမ်းတွေနဲ့အတူ ဖမ်းဆီးနိုင်ခဲ့တာလို့ ဆိုပါတယ်။
Sharing Information to the Local