နွေဦးတော်လှန်ရေးမှာ လက်နက်ကိုင်လမ်းစဉ်ကို ရွေးချယ်ဖြစ်ခဲ့တဲ့အကြောင်း၊ အညာတော်လှန်ရေးတပ်ဖွဲ့တွေရဲ့ စစ်ရေးအောင်မြင်မှုနဲ့ နယ်မြေစိုးမိုးထားနိုင်မှု အခြေအနေ တစေ့တစောင်းကို မြေလတ်အသံက မေးမြန်းဖြစ်ခဲ့ပါတယ်။
ကျဆုံးရဲဘော်ဟာ အသက် ၃၆ နှစ်အရွယ် ဒုတပ်ရင်မှူး ရဲဘော်စံသိန်း ဆိုသူဖြစ်ပြီး သြဂုတ် ၂၆ ရက်က မန္တလေးတိုင်း၊ သပိတ်ကျင်းမြို့နယ်၊ ကွင်း ၅၀၀ တိုက်ပွဲမှာကျဆုံးခဲ့တာလို့ တပ်ထောက်တာဝန်ခံ နေမျိုးပဲခူး က ပြောပါတယ်။
"စာသင်သား ကလေးတွေကများလာတယ်။ မြေပြင်မှာလည်း တကယ်လိုအပ်နေလို့ လှူဖြစ်တာပါ။ အလှူရှင်တွေက ပိုလှူကြတာတွေရှိပါတယ်။အဲ့ဒီပိုလျှံငွေတွေထဲက ကျောင်းဆောင်လှူဖြစ်ခဲ့တာပါ"
သင်တန်းဆင်းပွဲကို မင်းတုန်းမြို့နယ်တနေရာမှာ သြဂုတ် ၂၈ ရက်က ပြုလုပ်ခဲ့တာဖြစ်ပြီး နံနက်၉ နာရီမှာ သင်တန်းဆင်းပွဲကို အောင်မြင်စွာ ပြုလုပ်ပြီးနောက် နာရီဝက်အကြာမှာ အခုလို လေကြောင်းကနေ ဗုံးကြဲတိုက်ခိုက်ခံခဲ့ရတာပါ။ ဗုံးကြဲတိုက်ခိုက်ခံရပေမယ့် ထိခိုက်ဒဏ်ရာရသူမရှိဘူးလို့ ဆိုပါတယ်။
စစ်ကိုင်းတိုင်း၊ ကလေးမြို့နယ်တောင်ပိုင်းက ကာလရှည်စစ်ရှောင်နေရတဲ့ မှန်တောရွာနဲ့ ဆည်တောရွာ စစ်ရှောင်ပြည်သူတွေ စားဝတ်နေရေးခက်ခဲနေတဲ့အတွက် ရိက္ခာဆန်တွေကို သြဂုတ် ၂၅ ရက်က ထောက်ပံ့ပေးခဲ့တယ်လို့ Lighthouse စစ်ဘေးရှောင်ကူညီထောက်ပံ့ရေးအဖွဲ့ဆီက သိရပါတယ်။
သင်တန်းမှာ အခြေခံစစ်ပညာကို အဓိကထားသင်ကြားပေးခဲ့ကာ သင်တန်းသား ၂၀ ဦးကို မွမ်းမံသင်တန်းပေးနိုင်ခဲ့ပြီး သင်တန်းဆင်းချိန်မှာတော့ ရဲဘော် ၃ ဦးမှာ ကျန်းမာရေးမကောင်းတာကြောင့် ၁၇ ဦးသာ သင်တန်းဆင်းနိုင်ခဲ့တယ်လို့ ယင်းမာပင်မြို့နယ်၊ တိုက်နယ် ၂ တာဝန်ခံ ကိုအာမိုက ပြောပါတယ်။
မန္တလေးတိုင်း၊ ပြင်ဦးလွင်ခရိုင်၊ သပိတ်ကျင်းမြို့ကို ကာကွယ်ရေးတပ်တွေဘက်က အပြီးသတ် သိမ်းပိုက်နိုင်ခဲ့ပြီး ဒုဗိုလ်မှူးကြီး စိုးမင်းသူကိုလည်း ဖမ်းဆီးနိုင်ခဲ့တယ်လို့ အမှတ် ၁ စစ်ဒေသက ဩဂုတ် ၂၆ ဒီကနေ့ ရက်စွဲနဲ့ ထုတ်ပြန်ပါတယ်။
အပြန်အလှန်ပစ်ခတ်နေစဉ် နေ့လယ် ၁၂ ခွဲလောက်မှာ အေလာလေတပ်က နေထွက်လာတဲ့ ဂျက်ဖိုက်တာတစီး နဲ့ မိတ္ထီလာလေတပ်ကနေထွက်လာတဲ့ ဂျက်ဖိုက်တာတစီးဟာ တပြိုင်နက်တည်းရောက်ရှိလာပြီး လေကြောင်းတိုက်ခိုက်မှု ပြုလုပ်သွားလို့ ကာကွယ်ရေးတပ်ဖွဲ့ဝင် ၁၃ ဦးဒဏ်ရာရခဲ့တယ်လို့ CDSOM မြောက်ပိုင်းတိုက်ခိုက်ရေး ဗိိုလ်စင်္ကြာက ပြောပါတယ် ။
ပဲခူးတိုင်းအနောက်ခြမ်း၊ လက်ပံတန်းမြို့နယ်မှာ စစ်ကောင်စီတပ်စစ်ကြောင်းကို ကြားဖြတ်တိုက်ခိုက်ရာက ဗိုလ်မှူးအဆင့် ၁ ဦးအပါ ၂၀ ဦးသေဆုံးပြီး စစ်သုံ့ပန်း ၁၀ ဦးဖမ်းမိကာ လက်နက်မျိုးစုံနဲ့ ကျည်ဆန်တွေ သိမ်းနိုင်ခဲ့တယ်လို့ သာယာဝတီခရိုင် တပ်ရင်း ၃၈၀၂၊ သတင်းပြန်ကြားရေးတာဝန်ခံ ရဲဘော် ဒူးယားက ပြောပါတယ်။
မန္တလေးတိုင်း၊ မြင်းခြံမြို့တောင်ဘက်ရှိ တောင်ရှေ့ဂိတ်(နန်းမြင့်ဂိတ်)မှာ ကင်းပတ်နေတဲ့ စစ်ကောင်စီတပ်ဖွဲ့တွေကို ကြားဖြတ်တိုက်ခိုက်ခဲ့တယ်လို့ Myingyan Black Tiger-MBT မြင်းခြံခရိုင်တပ်ရင်း ၉ ဆီက သိရပါတယ်။
မကွေးတိုင်း၊ ရေစကြိုမြို့နယ်၊ မအူရဲကင်းစခန်းကို ကာကွယ်ရေးအဖွဲ့တွေက တိုက်ခိုက်သိမ်းပိုက်နိုင်ခဲ့ပြီး လက်နက်ခဲယမ်းတွေ သိမ်းဆည်းရရှိကာ စခန်းကိုမီးရှို့ဖျက်ဆီးခဲ့နိုင်တယ်လို့ ရေစကြိုမြို့နယ် ပြည်သူ့ကာကွယ်ရေးအဖွဲ့ဆီက သိရပါတယ်။
အခုလို စိုက်ပျိုးမွေးမြူရတဲ့ အကြောင်းရင်းက ပြည်သူတွေရဲ့ထောက်ပံ့လှူဒါန်းငွေတွေကို ဖြုန်းတီးမနေဘဲ စစ်အသုံးစရိတ်နဲ့ လက်နက်ခဲယမ်းဝယ်ယူရာမှာ အထောက်အကူဖြစ်နိုင်ဖို့အတွက် လုပ်ကိုင်ရတာလို့ BLDF စစ်ဒေသ ၂၊ ဒုစစ်ရေးတာဝန်ခံ ရဲဘော် နာရွဲ့ဆမ် ကပြောပါတယ်။
ဆန္ဒပြ တောင်သူတွေဟာ မြောက်ပိုင်းညီနောင်မဟာမိတ်အဖွဲ့ လုပ်ရပ်တွေကို ကြိုဆိုထောက်ခံကြပြီး မတရားအာဏာသိမ်းထားတဲ့ စစ်ကောင်စီရဲ့ စစ်မှုထမ်းဥပဒေအရ အတင်းအဓမ္မစစ်သားစုဆောင်းနေတဲ့ လုပ်ရပ်တွေကို ဆန့်ကျင်ကြောင်း သြဂုတ် ၂၃ ရက် မနက်ပိုင်းက ကောက်စိုက်ရင်း ဆန္ဒပြခဲ့တာလို့ ဆန္ဒပြဦးဆောင်သူ တောင်သူတဦးက ပြောပါတယ်။
မကွေးတိုင်း၊ ပွင့်ဖြူမြို့နယ်အတွင်းရှိ ဝန်လိုနဲ့ ခိုနန်းကျေးရွာတွေကို သြဂုတ် ၁၇ ရက်က ဆင်ဖြူကျွန်း ခလရ ၂၅၅၊ ပွင့်ဖြူမြို့နယ် ဝါတပ်ရင်းနဲ့ ပျူစောထီးစုပေါင်းအင်အား ၈၀ ကျော်တို့က စစ်ကြောင်းထိုး ဝင်ရောက်ခဲ့ပြီးနောက် ပြည်သူပိုင်ပစ္စည်းတွေကို ဖျက်ဆီး ယူဆောင်တာတွေ ပြုလုပ်ခဲ့ကြပါတယ်။
စစ်ကိုင်းတိုင်း၊ စစ်ကိုင်းမြို့နယ်အတွင်းက မြသိန်းတန်စေတီပေါ်မှာရှိတဲ့ စစ်သား၊ ရဲနဲ့ ပျူစောထီး အင်အား ၁၀၀ ဦးဝန်းကျင်ကို ကာကွယ်ရေးပူးပေါင်းအဖွဲ့တွေက ဝင်ရောက်တိုက်ခိုက်ခဲ့တယ်လို့ ရွှေဘိုခရိုင်အမှတ် ၁၈ တပ်ရင်း၊ တပ်ခွဲ ၄၊ Bo Tiger-ဗိုလ်ကျားကြီး အဖွဲ့ဆီက သိရပါတယ်။
Sharing Information to the Local