စစ်ကိုင်းတိုင်း၊ မုံရွာခရိုင်၊ မုံရွာ-အမြင့်လမ်းဘေးရှိ ညောင်ဖြူပင်ရဲစခန်းမှာတပ်စွဲထားတဲ့ စစ်သား၊ ရဲနဲ့ပျူစောထီး အင်အား ၅၀ ခန့်ကို ကာကွယ်ရေးတပ်ဖွဲ့တွေ သွားရောက်တိုက်ခိုက်ခဲ့တယ်လို့ ယင်းမာပင်ခရိုင် တပ်ရင်း ၃၊ တပ်ခွဲ ၃ ဆီက သိရပါတယ်။
“ဒီဘက်က ကြက်သွန်ရာသီဖြစ်နေတာလေ။ ကြက်သွန်ရာသီဆိုတော့ ဒီလမ်းမှာတွေ့သမျှ ကြက်သွန် စိုက်ခင်းကလူတွေကို ဖမ်းခေါ်သွားတယ်။ ဒီဘက်က ဧကပြတ်တွေစိုက်တဲ့အခါကျတော့ မနက် အစောကြီးသွားကြတယ်။ အဲ့လိုသွားပြီးတော့ ညဆိုလည်း မိုးချုပ်အထိစိုက်ကြတယ်လေ၊ နေ့စားမဟုတ်တဲ့အခါကျတော့ မနက်အစောကြီးသွားကြတယ်။ အဲ့အချိန်မှာ ဖမ်းခံရတယ်လို့ ယူဆတယ်။”
မကွေးတိုင်း၊ စလင်းမြို့နယ်၊ ဆည်ကန်ရွာကနေ အင်အား ၃၀ ကျော်နဲ့ ရှေ့ပြေးထွက်လာတဲ့ စစ်ကောင်စီစစ်ကြောင်းကို မြောင်းခြားရွာအနီးမှာ ကာကွယ်ရေးတပ်ဖွဲ့က ပစ်ခတ်တိုက်ခိုက်ခဲ့တယ်လို့ မင်းဘူးခရိုင် အမှတ် ၅ တပ်ရင်းဆီက သိရပါတယ်။
မကွေးတိုင်းဒေသကြီး၊ ရေစကြိုမြို့နယ် ပျူစောထီးအားကောင်းတဲ့ မင်းရွာကို လက်နက်ခဲယမ်းနဲ့ ရိက္ခာလာပို့တဲ့ ထောက်ပို့စစ်ကြောင်းကို လှေခုတ်ရွာပြင် စည်းရိုးကနေ တိုက်ခိုက်ခဲ့တယ်လို့ သိရပါတယ်။
မန္တလေးတိုင်း၊ ဝမ်းတွင်းမြို့နယ်၊ ဒိုင်ကောင်းကုန်းကျေးရွာမှာတပ်စွဲထားတဲ့ စစ်ကောင်စီတပ်သားတွေကို ၄၀ မမ နဲ့ ပစ်ခတ်တိုက်ခိုက်ခဲ့ရာ ထိခိုက်သေဆုံးမှုတွေရှိခဲ့တယ်လို့ Voice of Wundwin အဖွဲ့ဆီက သိရပါတယ်။
ပဲခူးတိုင်း၊ ညောင်လေးပင်မြို့နယ်၊ ဂျောင်းတာရွာထိပ်မှာရှိတဲ့ စစ်ကောင်စီဂိတ်စခန်းနဲ့ ကျောင်းစုရွာရှိ ပျူစောထီးခေါင်းဆောင် ၁ ဦးရဲ့နေအိမ်ကို တပြိုင်တည်းဝင်ရောက်တိုက်ခိုက်ပြီး လက်နက်ခဲယမ်းတွေကို သိမ်းဆည်းခဲ့တယ်လို့ ပဲခူးခရိုင်ပြည်သူ့ကာကွယ်ရေးအဖွဲ့ဆီက သိရပါတယ်။
မကွေးတိုင်း၊ မြိုင်မြို့နယ်ထဲက စစ်ကောင်စီတပ်ဖွဲ့၀င်တွေနဲ့ ပျူစောထီးတွေစိုးမိုးထားတဲ့ သရက်ကွရွာကို ဒေသခံကာကွယ်ရေးတပ်ဖွဲ့တွေ ပူးပေါင်းကာတိုက်ခိုက်ခဲ့ရာ ၃ ရက်အတွင်း ရွာကိုသိမ်းပိုက်နိုင်ခဲ့တယ်လို့ မြိုင်မြို့နယ်ပြည်သူ့ကာကွယ်ရေးတပ်ဖွဲ့ တာဝန်ရှိသူဆီက သိရပါတယ်။
“ပျူစခန်းက ဘန်ကာရှိတဲ့နေရာတွေနဲ့ တရွာလုံးကို ဒရုန်းနဲ့ ဗုံးကြဲချခဲ့တာ။ ဒရုန်း ၉ စီးလောက်နဲ့ ဗုံး ၁၀၀ ကျော်ကြဲချခဲ့တာ၊ ၄ ကြိမ်လောက် ထိတွေ့ တိုက်ခိုက်မှုဖြစ်တယ်။ စစ်ကောင်စီဘက်က လေကြောင်းပစ်ကူလုပ်တာက အကြိမ်ပေါင်းများစွာပဲ။ လေကြောင်းနဲ့ ပစ်တာက ထိတာတွေတော့မရှိဘူး။ လက်နက်ခဲယမ်းနဲ့ ငွေကြေးအနည်းငယ် သိမ်းဆည်းရခဲ့တယ်။"
“ပစ်ခတ်မှုကြောင့် တပခအတွင်းထိခိုက်မှုကြီးတယ်လို့ ကနဦးသိထားရပါတယ်။ အသေးစိတ်ကိုတော့ စုစည်းပြီး နောက်ဆက်တွဲသတင်း ကြေညာပေးပါ့မယ်။ ဒီမစ်ရှင်ကိုလုပ်ဖို့ လနဲ့ချီပြီးပြင်ဆင်ရတာပေါ့။ အခက်အခဲတွေကတော့ တခေါက်နဲ့တခေါက် ပိုခက်ခဲလာတာ။ မစ်ရှင်တခုလုပ်ပြီးတိုင်းလုပ်ပြီးတိုင်း ပိုပြီးခက်လာတယ်။ လုံခြုံရေးတွေလည်း ပိုပြီးတင်းကျပ်လာတာ။”
" လက်နက်ငယ်တွေနဲ့ပစ်ခတ် တိုက်ခိုက်ကြတယ်။ တိုက်ပွဲအတွင်းမှာပဲ ၂ယောက်လဲကျတာ မြင်ရတယ်။ ၁ ယောက်က ပြန်မပစ်နိုင်တော့ဘူး။"
ဒီဇင်ဘာ ၁၈ ရက် မနေ့က မွန်းလွဲ ၂ နာရီလောက်မှာ ခလရ ၂၅၂ တပ်ထဲအထိ တော်လှန်ရေးတပ်ဖွဲ့တွေက ဝင်ရောက်ပစ်ခတ်ခဲ့လို့ စစ်ကောင်စီတပ်ဖွဲ့ဝင် တပ်ကြပ် အောင်ခီးနဲ့ တပ်သား ၁ ဦး သေဆုံးခဲ့တယ်လို့ ဆိုပါတယ်။
စစ်ကိုင်းတိုင်း၊ ဆားလင်းကြီးမြို့ပေါ်က မြို့မရဲစခန်းနဲ့ ထွေအုပ်ရုံးမှာ အထိုင်ချတပ်စွဲထားတဲ့ စစ်ကောင်စီတပ်သားနဲ့ လက်အောက်ခံအဖွဲ့တွေကို PDF ပူးပေါင်းအဖွဲ့က ဒီဇင်ဘာ ၁၉ ရက် ဒီနေ့မနက်ပိုင်းမှာ ဝင်ရောက်တိုက်ခိုက်ခဲ့တယ်လို့ Monywa Inventor အဖွဲ့ဆီက သိရပါတယ်။
“ သူတို့စလှုပ်ရှားတာက မနက် ၄ နာရီလောက်ကတည်းက စလှုပ်ရှားတာ။ သတင်းမရဘူးပေါ့။ ကိုယ့်ဘက်က အလစ်အငိုက်ကို ဝင်ခံလိုက်ရတာ။ အဲ့မှာက အင်အားတောင့်တင်းတဲ့အဖွဲ့မရှိဘူးလေ။ ရပ်ကျေးပကဖလောက်ပဲ ရှိတယ်။”
" ၅ လုံးပွိုင့် ၁ ပွိုင့်ရယ် ရှေ့ထွက်မိုင်း ၃ ပွိုင့်ရယ် မိုင်းဆွဲခဲ့တာ။ ၃ စီးမြောက် ဂျန်မာကားကနဲ့ စဆွဲလိုက်တာ။ တတိယဂျန်မာ ၁ စီးထိပြီးတော့ တွဲကားတွေပေါ်ပါတဲ့ စစ်**တွေကိုဂန်းငယ်တွေနဲ့ ဝင်ပစ်တာ။ ကားပေါ်ပါစကစအချို့က ဆင်းပြေးလာတော့ ဖမ်းမိတာ။”
စစ်သားနဲ့ရဲ အင်အား ၃၀ ဝန်းကျင်ရှိတဲ့ အဲ့ဒီစစ်ဆေးရေးဂိတ်ကို ကာကွယ်ရေးပူးပေါင်းအဖွဲ့တွေက ဒီဇင်ဘာ ၁၂ ရက် ညနေ ၃ နာရီဝန်းကျင်မှာ ၁ နာရီကြာပစ်ခတ်ခဲ့ပြီး Fixed Wings Drone နဲ့ ဗုံး ၅ လုံးကြဲချခဲ့တာလို့ ဆိုပါတယ်။
Sharing Information to the Local