ရှမ်းမြောက်စစ်ဆင်ရေးမှာ ကျဆုံးခဲ့တဲ့ ရွှေဘိုခရိုင် အမှတ် ၁၇ တပ်ရင်း(တောကြီးမြွေပွေးတပ်ဖွဲ့)က တပ်ဖွဲ့ဝင် ၃ ဦးရဲ့မိသားစုဝင်တွေကို တပ်ရင်းတာဝန်ရှိသူတွေက သွားရောက်ကန်တော့ပြီး ငွေကြေးထောက်ပံ့ပေးခဲ့တယ်လို့ အဆိုပါတပ်ဖွဲ့ထံက သိရပါတယ်။
“ရဲဘော် ၁ ယောက်က နင်းမိုင်းကို နင်းမိသွားတာ အသက်အန္တရာယ်တော့ မရှိပါဘူး။ ပျူရွာကို တောင်ဖက် မြောက်ဖက် နှစ်ဖက်ညှပ်တိုက်ဖို့လုပ်တာ။ မြောက်ဖက်ခြမ်းကိုပါသွားတဲ့ ရဲဘော်က နင်းမိတာ၊ အဲဒီနောက်တော့ လေယာဉ်တွေလည်း ဝဲလာလို့ ပြန်ဆုတ်ခဲ့ရတယ်။"
မကွေးတိုင်း၊ စလင်းမြို့နယ်၊ သစ်ခေါက်တောင်ရွာကနေ စစ်ကြောင်းထိုးလာတဲ့စစ်အုပ်စုဟာ ပုသိမ်-မုံရွာလမ်းပိုင်းမှာ ကာကွယ်ရေးတပ်ဖွဲ့တွေထောင်ထားတဲ့ မိုင်းထိလို့ သေဆုံးထိခိုက်သူတွေရှိပြီး သစ်ခေါက်တောင်က စစ်အုပ်စုအထိုင်စခန်းပါ ဒရုန်းနဲ့ ဗုံးကြဲချခံရတာကြောင့် သေဆုံးမှုတွေရှိခဲ့တယ်လို့ ဒေါင်းညီနောင်မြို့ပြပြောက်ကျား တပ်ဖွဲ့ဆီက သိရပါတယ်။
“ကျနော်တို့ ဌာနကို လက်နက်ခဲယမ်း လာထုတ်တာ၊ ပခန်းကြီးအနားမှာ **စစ်ကြောင်း နောက်ချန်ကင်းနဲ့တွေ့ပြီး ပစ်ခတ်တိုက်ခိုက်ခံခဲ့ရတာ၊ သေဆုံးမှုတော့မရှိဘူး။ ရဲဘော် ၁ ဦးကတော့ ကျည်ထိမှန်ပြီး ဒဏ်ရာရသွားတယ်။ အသက်အန္တရာယ်တော့ မစိုးရိမ်ရဘူး။”
" မိုင်းကတော့ လမ်းရဲ့တဘက်တချက်မှာ ထောင်ထားတာ။ ပြည်သူနဲ့ မလွတ်ကင်းတဲ့အနေအထားဖြစ်နေလို့ မိုင်း ၁ လုံးသာဆွဲလိုက်ရတာပါ။ အနီးအနားက ပြည်သူတွေပြောပြချက်အရ ၂ ဦးသေသွားတယ်။"
"ပထမဆုံး ဖြစ်လိုက်တယ်။ သူတို့ပြန်ဆုတ်ပြီး နောက်ထပ်တက်လာတော့ နောက်တကျော့ ထပ်ဖြစ်တယ်။ သူတို့(စကစ)ဘက်ကတော့ လက်နက်ကြီးလှိုင်လှိုင်သုံးတယ်။ ပွိုင့်ဖိုက်ပါ ပါတယ်။ ကျနော်တို့ဘက်ကတော့ လက်နက်ငယ်အားကိုးပြီး တိုက်ရတာပဲ။ ကိုယ်ကနယ်ခံဆိုတော့လည်း ထွေထူး ပြသနာမရှိဘူး။"
" တပ်ချထားတဲ့အဖွဲ့ ဆေးရုံကနေထွက်လာလို့ ပစ်ခတ်မှုဖြစ်တာ နာရီဝက်လောက်ကြာတယ်။ ပစ်ခတ်မှုဖြစ်နေချိန် စကစဘက်ကပစ်တဲ့ ၆၀ မမက ရဲဘော်တွေစုရပ်နေရာကိုလာကျပြီး ထိကုန်တာ။"
“ကား ၃ စီးလာတာကို ကြိုသတင်းရလို့ ကျနော်တို့စောင့်နေခဲ့တယ်။ အဲ့အထဲက ကား ၂ စီးကတော့ မိုင်ကွင်းထဲဝင်ပြီးတော့ ရှေ့ဆက်သွားလို့မရအောင် ပျက်စီးသွားတယ်။ အဲ့နောက် တိုက်ပွဲအပြန်အလှန် ၅ မိနစ်လောက်ဖြစ်ခဲ့တယ်။"
မန္တလေးတိုင်း၊ မြင်းခြံခရိုင်၊ နွားထိုးကြီးမြို့နယ်၊ ပြင်စည်ရွာက စစ်ကောင်စီတပ်စွဲထားတဲ့ နေရာ ၃ ခုကို ဒရုန်းနဲ့ဗုံးချတဲ့အပြင် လက်နက်ကြီးလက်နက်ငယ်တွေနဲ့ပါ ပစ်ခတ်တိုက်ခိုက်ခဲ့တယ်လို့ Natogyi People Defence Force မြင်းခြံခရိုင်အမှတ် ၄ တပ်ရင်းဆီက သိရပါတယ်။
မန္တလေးတိုင်း၊ ငါန်းဇွန်မြို့နယ်မှာ မိုင်းဆွဲပစ်ခတ်ခံရလို့ ငါန်းဇွန်ပြည်သူ့အင်အား PDF တပ်ဖွဲ့ဝင် ၂ ဦးနဲ့ မန္တလေးခရိုင်အမှတ် ၅ တပ်ရင်းက တပ်ဖွဲ့ဝင် ၁ ဦးတို့ ဒဏ်ရာရရှိခဲ့တယ်လို့ ဒေသကာကွယ်ရေးတပ်ဖွဲ့ဆီက သိရပါတယ်။
"သတင်းရလို့ ကြိုစောင့်နေတဲ့နေရာကိုရောက်တော့ တိုက်ပွဲစဖြစ်တယ်။ အနီးကပ် ပစ်ရတာ။ ရှေ့ဆုံးက ကောင်တွေကို အတွဲလိုက် ဆွဲလိုက်တယ်။"
စစ်ကိုင်းတိုင်း၊ ကလေးခရိုင်အခြေစိုက် Chinland Defense Force-Kalay Kabaw Gangaw၊ တပ်ရင်း ၃ CDF-KKG တပ်ဖွဲ့မှာ တာဝန်ထမ်းဆောင်နေတဲ့ တပ်ဖွဲ့ဝင် ၁ ဦး ထန်တလန်မြို့သိမ်းတိုက်ပွဲမှာကျဆုံးခဲ့ပြီး ဒီဇင်ဘာ ၂ ရက်နေ့လယ်ပိုင်းမှာ သင်္ဂြိုဟ်ခဲ့တယ်လို့ အဲ့ဒီတပ်ရင်းဆီက သိရပါတယ်။
စစ်ကိုင်းတိုင်း၊ မုံရွာမြို့နယ်၊ ညောင်ဖြူပင်ရွာမှာ အထိုင်ချတပ်စွဲနေပြီး ဒေသခံတွေကိုဖမ်းဆီးနေတဲ့ စစ်အုပ်စုနဲ့ ကာကွယ်ရေးအဖွဲ့တွေ ပြီးခဲ့တဲ့ နိုဝင်ဘာလကုန်ပိုင်းမှာ ပစ်ခတ်မှုတွေဖြစ်ပွားခဲ့ပြီး စစ်ကောင်စီဘက်က ထိခိုက်သေဆုံးတာတွေရှိတယ်လို့ ဗမာလွတ်မြောက်ရေး ဒီမိုကရက်တစ်တပ်ဦး (BLDF) ဆီက သိရပါတယ်။
မကွေးတိုင်း၊ ဂန့်ဂေါမြို့နယ်၊ တောင်ခင်ရန်းရွာမှာ စစ်ကောင်စီစစ်ကြောင်းက ပစ်တဲ့ လက်နက်ကြီး ကျည်ထိမှန်ပြီးနောက် သက်ကြီးပိုင်းအမျိုးသား ၁ ဦး သေဆုံးခဲ့တယ်လို့ ဒေသခံကာကွယ်ရေး တပ်ဖွဲ့တွေနဲ့ နီးစပ်သူတဦးဆီက သိရပါတယ်။
မကွေးတိုင်း၊ ထီးလင်းမြို့နယ်မှာ နေရပ်စွန့်ခွာစစ်ရှောင်ပြည်သူဦးရေ ၇၀၀၀ အထိဖြစ်လာပြီး ၂ နှစ်ကျော် လာတဲ့အထိ နေရပ်မပြန်နိုင်သေးဘဲ စစ်ရှောင်နေကြရာ အခုဆောင်းတွင်းကာလမှာ အစားအသောက်နဲ့အနွေးထည်တွေ လိုအပ်လျက်ရှိနေတယ်လို့ သိရပါတယ်။
Sharing Information to the Local