"မနက် ၄ နာရီလောက်ကတည်းက ရွာနားကိုဝင်ကပ်ထားတာ။ အာရုဏ်တက်ချိန်လောက်မှ ဝင်လုံးပြီး ပြန်လည် သိမ်းယူထားတာ။ ထိတွေ့မှုက အသေးစားတွေရော အကြီးစားတွေရောဖြစ်တယ်။ သူတို့ ပြန်ဆုတ်သွားပြီး ဒရုန်းတွေနဲ့ပြန်ချတာတွေရှိတယ်။"
" မီးရှို့တဲ့အခါမှာ ရွာထဲကလူတွေကို သူတို့က ဓားစားခံအဖြစ် ဖမ်းပြီးခေါ်ထားတာ။ သူတို့ပြန်သွားတဲ့အချိန် လူတွေကို ပြန်လွတ်ပေးလိုက်တယ်။ သူတို့ထဲမှာ တချို့ကလည်း ပစ်သတ်ထားခဲ့လိုက်ဘာညာပြောတယ်။ သတ်ထားပြီး မီးရှို့ခဲ့လိုက် ပြောတယ်။ နောက်တခါဆိုရင်တော့ သတ်ပစ်မှာလို့ပြောသွားတယ်။”
" ကျနော်တို့ဆီက သင်တန်းဆင်းရဲဘော်တွေ လက်တွေ့သင်ခန်းစာဆင်းတဲ့အနေနဲ့ ဝင်တိုက်ခဲ့ကြတာ။ အလောင်းကတော့ ၅ လောင်းတွေ့ခဲ့တယ်။ ၁ ကောင်ကတော့ ဝင်တိုက်တဲ့အချိန်ကတည်းက ထွက်ပြေးသွားတာ။ သူတို့လည်း ခံပစ်တယ်။ ခံပစ်လို့ ၁ နာရီလောက်ကြာသွားတာ။"
စစ်ကိုင်းတိုင်း၊ တပ်မ ၃၃ ကနေ စစ်ကောင်စီယာဉ်တန်း ၁၂ စီးဟာ မုံရွာမြို့ နမခထဲကို သွားမယ်လို့ သတင်းရတာကြောင့် ဒီဇင်ဘာ ၁၁ ရက် ညနေ ၆ နာရီလောက်မှာ မြင်းမူမြို့နယ်၊ ကန်ဖျားဇရပ်အနီး အသင့်စောင့်ပြီး ချုံခိုတိုက်ခိုက်ခဲ့တယ်လို့ Moe Nyo Revolution Force M.N.R.F တပ်မှူး မိုးညိုက ပြောပါတယ်။
"အလစ်ဝင်တိုက်တာဆိုတော့ ပွဲကသိပ်မကြာဘူး။ စစ်အုပ်စုဘက်က ၈ ယောက်တော့ အတည်ပြုနိုင်တယ်။ လက်နက်တော့ မကောက်နိုင်ခဲ့ဘူး။ မုံရွာဘက်ကမ်းက လက်နက်ကြီးပစ်ကူလို့ နောက်ဆုတ်ခဲ့ရတယ်။"
မကွေးတိုင်း၊ ပခုက္ကူခရိုင် ကမ္မမြို့အနားက ရေလာလေးစခန်းသိမ်းတိုက်ပွဲအတွင်း စစ်ကောင်စီဘက်က အရှင်ဖမ်းမိသူတွေရှိပြီး လက်နက်၊ ခဲယမ်းတွေလည်း သိမ်းဆည်းရမိခဲ့တယ်လို့ အမှတ် ၈ စစ်ကြောင်း စစ်ကော်မရှင် အဖွဲ့ဆီက သိရပါတယ်။
“ မိုင်း ၂ လုံးနဲ့ဆွဲလိုက်တာ ဆိုင်ကယ် ၃ စီး လန်ထွက်သွားတယ်။ အလောင်း ၂ လောင်းကို မြို့ဘက်ကိုပြန်သယ်သွားတယ်။ မိုင်းဆွဲပြီးတော့ စကစဘက်က လက်နက်ငယ်တွေနဲ့ပြန်ပစ်လို့ ကျနော်တို့ပြန်မပစ်နိုင်ဘဲ နောက်ပြန်ဆုတ်လာတယ်။“
စစ်ကိုင်းတိုင်း၊ ချောင်းဦးမြို့နယ်၊ ကံကြီးကုန်းပျူစခန်းကို ရိက္ခာလာပို့တဲ့ စစ်တပ်ရေယာဉ် ၂ စီးကို တိုက်ခိုက်ခဲ့ကြတယ်လို့ ဒေါင်းတမန် GZ ပြောက်ကျားတပ်ဖွဲ့ထံက သိရပါတယ်။
မကွေးတိုင်း၊ ပခုက္ကူမြို့နယ်၊ ရေလာလေးရွာရှိ စစ်ကောင်စီတပ်နဲ့ ပျူစောထီးအထိုင်စခန်းကို ဒေသကာကွယ်ရေးပူးပေါင်းတပ်ဖွဲ့တွေက ဝင်ရောက်တိုက်ခိုက်ခဲ့ရာ စခန်းကိုသိမ်းပိုက်နိုင်ခဲ့ပြီး လက်နက်ခဲယမ်းတွေလည်း သိမ်းဆည်းရရှိတယ်လို့ ကာကွယ်ရေးအဖွဲ့တွေထံက သိရပါတယ်။
“မနေ့ညပိုင်း (ဒီဇင်ဘာ ၁၁ ရက်) ကနေ တိုက်ပွဲဖြစ်နေတာ၊ ညကတော့ လေယာဉ်နဲ့ ၂ ကြိမ် ဗုံးလာကြဲသွားတယ်။ ထိတွေ့ပစ်ခတ်မှုတွေကတော့ အခုထိရှိပါတယ်။”
ပဲခူးတိုင်း၊ တောင်ငူမြို့အခြေစိုက် ကေတုမတီလေတပ်စခန်းနဲ့ တောင်ပိုင်းတိုင်းစစ်ဌာနချုပ်ကို ဒီဇင်ဘာ ၁၁ ရက်မနေ့က ည ၁၁ နာရီလောက်မှာရှော့တိုက်ဒုံးတွေနဲ့ တချိန်တည်း တိုက်ခိုက်ခဲ့တယ်လို့ Brave Warriors for Myanmar (BWM) ဆီက သိရပါတယ်။
"မိုင်း ၁၅ လုံး စလုံးကွဲတယ်။ စစ်** ၇ ယောက်ကတော့ နေရာမှာပဲ သေတယ်လို့ ပြောတယ်။ တပ်တွင်းနဲ့ နီးစပ်တဲ့သူက သတင်းပေးပို့ပေးတာပါ။ သူတို့ဘက်က အထိခိုက်များတော့ စက်သေနတ်တွေနဲ့ရော ၄၀ မမတွေနဲ့ရောပါ ပစ်တာ၊ အရပ်သားထိခိုက်မှုတော့ မရှိခဲ့ဘူးဗျ။"
စစ်ကိုင်းတိုင်း၊ မုံရွာမြို့၊ နမခ ထဲကနေ ကံကြီးကုန်းရွာဘက်ကို ချင်းတွင်းမြစ်ကြောင်းအတိုင်း လက်နက်ခဲယမ်းနဲ့ ရိက္ခာပို့တဲ့ ရေယာဉ် ၂ စီးကို ဒီဇင်ဘာ ၁၁ ရက်မှာ ဒေသခံကာကွယ်ရေးတပ်တွေက အသွားအပြန်စောင့်ကြိုတိုက်ခိုက်ခဲ့တယ်လို့ Chindwin Fighter Group-CFG ဆီက သိရပါတယ်။
စစ်ကိုင်းတိုင်း၊ မုံရွာမြို့နယ်၊ မအူစစ်ဆေးရေးဂိတ်နဲ့ မြေနဲကျေးရွာအကြား မုံရွာ-ချောင်းဦးကားလမ်းပေါ် တန်ပိုဂိတ်ဟောင်းအနီးမှာ ဆိုင်ကယ်စီးလာတဲ့အမျိုးသား ၁ ဦး စစ်ကောင်စီတပ်သားတွေပစ်တဲ့ သေနတ်ကျည်ထိမှန်ပြီးသေဆုံးခဲ့တယ်လို့ ဒေသခံတွေဆီက သိရပါတယ်။
စစ်ကောင်စီတပ်ဖွဲ့တွေထံ လက်လွှတ်ခဲ့ရတဲ့ မန္တလေးတိုင်း၊ မတ္တရာမြို့နယ်အတွင်းက ကျေးရွာ ၃ ရွာကို ပြန်လည်သိမ်းပိုက်နိုင်ခဲ့တယ်လို့ ဒီဇင်ဘာ ၉ ရက် ဒီကနေ့မှာ MDYPDF ကသတင်းထုတ်ပြန်ပါတယ်။
Sharing Information to the Local