Sharing Information to the Local
မဲဇလီကြိုးတံတားထိပ် တိုက်ခိုက်မှုမှာ စစ်ကောင်စီဘက်က ၄ ဦးသေပြီး သေနတ် ၁ လက်ရ (ရုပ်/သံ)
မကွေးတိုင်း၊ မင်းဘူးခရိုင်၊ ပွင့်ဖြူမြို့နယ် မဲဇလီကြိုးတံတားထိပ်က စစ်ကောင်စီဂိတ်ကိုနိုဝင်ဘာ ၂၇ ရက်မှာ တိုက်ခိုက်ခဲ့တယ်လို့ Yenanthar Column ဆီက သိရပါတယ်။
တိုက်ပွဲ
ကလေးဝမှာ စစ်တပ်ကဒရုန်းနဲ့ပစ်ခတ်လို့ ဒေသခံ ၃ ဦးသေဆုံးပြီး ၄ ဦးဒဏ်ရာရ
စစ်ကိုင်းတိုင်း၊ ကလေးဝမြို့နယ်၊ ပန်းချီစုရွာမှာ အထိုင်ချထားတဲ့ စစ်အုပ်စုက ကျေးရွာတွေဘက်ကို ဒရုန်းနဲ့ပစ်ခတ်ခဲ့တာကြောင့် ဒေသခံ ၃ ဦးသေဆုံးပြီး ၄ ဦးဒဏ်ရာရရှိခဲ့တယ်လို့ ကလေးခရိုင် ပြည်သူ့ကာကွယ်ရေးအဖွဲ့ဆီက သိရပါတယ်။
ထီးလင်းမှာတာဝန်ကျတဲ့ ဗိုလ်ကြီး ၆ ဦးထဲက ၃ ဦးသေပြီး ၁ ဦး ဒဏ်ရာရ
မကွေးတိုင်း၊ ဂန့်ဂေါခရိုင်၊ ထီးလင်းမြို့နယ်မှာ စစ်ကောင်စီက ၂၀၂၁ ကနေ ယခုနှစ်ထိ ၃ ပွင့်အဆင့်ရှိ ဗိုလ်ကြီး ၆ ဦးကို တာဝန်ချထားပေးခဲ့ပြီး သူတို့ထဲက ၃ ဦးသေဆုံးကာ ၁ ဦး ဒဏ်ရာရရှိထားတယ်လို့ မြေပြင်ကတော်လှန်ရေးတပ်ဖွဲ့တွေနဲ့ နီးစပ်တဲ့ ဒေသခံတွေဆီက သိရပါတယ်။
အမ်းမြို့တိုက်ပွဲကဆုတ်ခွာလာတဲ့စစ်ကြောင်း လမ်းမှာတိုက်ခိုက်ခံရပြီး စစ်သား ၂ ဦးသေဆုံး ၁၄ ဦးဖမ်းဆီးခံရ
"လွန်ခဲ့တဲ့ ၂ ပတ်လောက်က အမ်းကနေ ဆုတ်ခွာထွက်ပြေးလာကြတာပါ။ ကျနော်တို့နဲ့ တိုက်ပွဲဖြစ်ပြီးတော့ ဖွဲ့စည်းပုံပျက်သွားတယ်။ လက်နက်ချတဲ့သူချ၊ ထွက်ပြေးတဲ့သူပြေးနဲ့ ၁၄ ဦး လက်ရဖမ်းဆီးနိုင်ခဲ့တာပါ။"
၃ ရက်ဆက်တိုက် တိုက်ပွဲအတွင်း စစ်ကောင်စီဘက်က အရာရှိ ၁ ဦးအပါ ၁ ဒါဇင်ကျော် သေဆုံး ■ သုံ့ပန်း ၁ ဦး၊ သေနတ် ၅ လက်နဲ့ ခဲယမ်းတချို့သိမ်းဆည်းရမိ
“စကစဘက်က စုစုပေါင်း တိကျတဲ့သတင်းအရတော့ ၂၄ ယောက်သေတယ်ဗျ။ ရရှိတဲ့ အလောင်းက ၈ လောင်း ရတယ်။ ဒီထက် ကျဆုံးတာတွေ ထိခိုက်ပြင်းထန်တွေနဲ့ ပျောက်ဆုံးနေတာတွေလည်း ရှိသေးတယ်လို့သိရပါတယ်။ စကစထဲက အရာရှိအဆင့် စစ်ကြောင်းမှူး ၁ ယောက်လည်း ကျတဲ့ထဲပါတယ်။”
ပဲခူးရိုးပေါ်မှာ မိုင်းရှာနေတဲ့ စစ်ကောင်စီစစ်ကြောင်း မိုင်းဆွဲပစ်ခတ်ခံရလို့ ထိခိုက်သေဆုံးများ
“ ကျနော်တို့ထောင်တဲ့မိုင်းကွင်းမှာ မိုင်းရှာနေတဲ့အချိန်မှာ ဆွဲချလိုက်တာ။ အဲ့နေရာမှာပဲ စစ်ကောင်စီဘက်က ထိခိုက်ကျဆုံးကုန်တာပါ ။ စစ်ကောင်စီဘက်က လက်နက်ကြီး၊ငယ်တွေနဲ့ပစ်လို့ PDF ရဲဘော် ၁ ဦးရဲ့လက်ကိုကျည်ထိမှန်ခဲ့ပေမယ့် မစိုးရိမ်ရဘူး။”
တပ်မ ၃၃ ကထွက်လာတဲ့ စစ်ကောင်စီကြေးနီသယ်ကား မိုင်းဆွဲခံရ (ရုပ်/သံ)
စစ်ကောင်စီ ကြေးနီသယ်ဆောင်လာတဲ့ကားနဲ့ သံပြားကာကားတွေကို နိုဝင်ဘာ ၂၆ ရက် ညနေ ၄ နာရီခွဲဝန်းကျင်မှာ ကာကွယ်ရေးပူးပေါင်းအဖွဲ့တွေက ပဒေသာမိုင်း ၅ လုံးဆွဲပြီး ပစ်ခတ်တိုက်ခိုက်ခဲ့တာလို့ Chindwin Fighter Group - CFG တာဝန်ခံ ကိုငှက်ခါးက ပြောပါတယ်။
စစ်သား ၃၀ ဝန်းကျင်သေဆုံးပြီး တပ်ကြပ် ၁ ဦးနဲ့ လက်နက် ၁၀ လက် ဖမ်းဆီးရမိခဲ့တဲ့ မင်းတုန်းတိုက်ပွဲ (ရုပ်/သံ)
နိုဝင်ဘာ ၂၆ ရက် မနေ့မနက် ၆ နာရီမှာ ကပစ ၁၂ ၊ ကပစ ၁၈၊ ခလရ ၄၄၊ တပ်မ ၈၈၊ မင်းတုန်းမြို့နယ် ပျူစောထီးခေါင်းဆောင် ဖိုးပြားနဲ့ ပျူစောထီး ၅ ဦး ပါဝင်တဲ့ အင်အား ၁၀၀ ပါစစ်ကြောင်း စခန်းချရာနေရာ အနားထိကပ်ကာ အလစ်အငိုက်ဝင်ရောက် တိုက်ခိုက်ခဲ့တာလို့ သရက်ခရိုင်တပ်ရင်း ၄ ပြန်ကြားရေးတာဝန်ခံ ကိုမြတ် က ပြောပါတယ်။
စစ်ကိုင်းမြို့နယ်မြောက်ခြမ်းက ကျေးရွာတွေကို စစ်တပ်စစ်ကြောင်းထိုးပြီး လေကြောင်းတိုက်ခိုက်ခဲ့
စစ်ကိုင်းမြို့နယ်ကနေ ဝက်လက်မြို့နယ်ဘက်ကိုထွက်တဲ့ ဗျူဟာလမ်း (ခရိုင်ချင်းဆက်လမ်း)ကို စစ်တပ်က စစ်ကြောင်းထိုးနေပြီး လေကြောင်းကနေလည်း တိုက်ခိုက်ခဲ့တယ်လို့ နန်းတက်မင်းအဖွဲ့မှ တပ်ဖွဲ့ဝင် ကိုပတီး က ပြောပါတယ်။
စစ်သား ၃၀ ဝန်းကျင်သေဆုံးပြီး တပ်ကြပ် ၁ ဦးနဲ့ လက်နက် ၁၀ လက် ဖမ်းဆီးရမိခဲ့တဲ့ မင်းတုန်းတိုက်ပွဲ
“ ဖမ်းဆီးရမိက တပ်ကြပ်အဆင့် သုံ့ပန်း ၁ ယောက်ပေါ့။ ထိခိုက် ကျဆုံးကတော့ သူတို့ ၃၀ လောက်ရှိတယ်။ ကျဆုံးကတော့ မြေပြင်မှာတင်ပေါ့။”
မင်းတုန်းတိုက်ပွဲမှာ စစ်ကောင်စီဘက်က ၂၀ ကျော်သေဆုံးထားပြီး လက်နက်တွေကို သိမ်းဆည်းရရှိ
"စကစ အလင်းဝင်တာမဟုတ်ဘူး။ စစ်ကြောင်းကို တိုက်ခဲ့တာ။ ရန်သူဘက်က အကျအဆုံးများတယ်။ လက်နက်ခဲယမ်း သိမ်းဆည်းရမိတာတွေလည်းရှိတယ်။ စစ်ကြောင်းကတော့ ဖရိုဖရဲဖြစ်သွားတယ်။”
အမျိုးသားနေ့ အထိမ်းအမှတ်အဖြစ် စစ်အုပ်စုတပ်စွဲတဲ့ နေရာ ၂ ခုကို PDF တွေတိုက်ခိုက် (ရုပ်/သံ)
နိုဝင်ဘာ ၂၅ ရက် ညနေ ၅ နာရီအချိန်ခန့်မှာ ဆေးရုံအနီးမှာ ဘန်ကာတွေနဲ့ တပ်စွဲထားတဲ့ စစ်ကောင်စီ အင်အား ၁၀ ဦးခန့်ရှိနေရာနဲ့ မြို့မစျေးအနီး အင်အား ၅ ဦးခန့်နဲ့ တပ်စွဲထားတဲ့နေရာတွေကို ၄၀ မမ အပါအဝင် လက်နက်ငယ်တွေနဲ့ ပစ်ခတ်ခဲ့တာလို့ ဒေါင်းတမန် GZ ပြောက်ကျားတပ်ဖွဲ့တာဝန်ခံ ရဲဘော်ရွှေမန်းက ပြောပါတယ်။
ရေစကြိုမှာ စစ်အုပ်စုက ပစ်ခတ်လို့ သံဃာ ၁ ပါးအပါ ၃ ဦးသေဆုံး
မကွေးတိုင်း၊ ရေစကြိုမြို့နယ်၊ ကြူရွာနဲ့ ဆင်ကြို့ရွာကို စစ်ကောင်စီစစ်ကြောင်းကဝင်ရောက် ပစ်ခတ်ခဲ့တာကြောင့် သံဃာ ၁ ပါးအပါအဝင် ၃ ဦးသေဆုံးတယ်လို့ ရွာခံပြည်သူတွေဆီက သိရပါတယ်။
ကြိုးကြာနီတပ်ဖွဲ့ တပ်ရင်းမှူး ရေတာရှည်တိုက်ပွဲမှာ ကျဆုံး
“ရဲဘော်ဇိုးကြီးရဲ့ ရုပ်အလောင်းကိုတော့ ပြန်မရသေးဘူး၊ လက်ရှိတိုက်ပွဲရှိနေသေးတယ်၊ သတင်းအရ တပ်ရင်းမှူးတဦးပဲ (ကျဆုံး) သိရတယ်၊”
အမ်း - ပဒါန်းလမ်းမှာ လုံခြုံရေးစောင့်စစ်သားတွေ တိုက်ခိုက်ခံရလို့ ၄ ဦးသေဆုံးကာ သေနတ် ၁ လက်ရရှိ
"တိုက်ပွဲဖြစ်တဲ့နေရာမှာ စစ်သား ၄ ယောက်သေတယ်။ ပစ်ခတ်နေတော့ အနီးဆုံးစစ်သားဆီက သေနတ်နဲ့ပစ္စည်းတွေပဲ ကောက်နိုင်ခဲ့တယ်"
နောက်ဆုံးရ သတင်းများ
02