"ဘယ်နေ့ကဖမ်းတယ်ဆိုတာမသိရဘူး။ မေလ ၂၁ ရက်က ပေါင်းတည်မှာ သူ့ယောက္ခမဆုံးလို့ ပြန်လာတာကိုတွေ့တယ်။ သူကအရင်တခါအဖမ်းခံပြီး ပြန်လွတ်ကတည်းက ရန်ကုန်မှာနေတာဆိုတော့ အဆက်အစပ်မရှိဘူး။ ခုဖမ်းတာကလည်း ပြည်ဒကစက ဖမ်းတာလို့သိရတယ်။"
“ဒေသဖြတ်သန်းခွင့် ကောက်ခံမှုကနေ ရရှိတဲ့ငွေနဲ့ ဒီအလှူကိုလုပ်တာပါ၊ သွားလှူချိန်မှာလည်း စစ်ကြောင်းက အကုန်ဖျက်စီးသွားတော့ နေစရာအိုးအိမ်မရှိ၊ ငိုယိုနေကြတာတွေပဲ မြင်ခဲ့ရတယ်၊ လက်နက်ကြီးထိမှန်ထားတဲ့ ကလေးသူငယ်နဲ့ အမျိုးသမီးတွေလည်း ရှိသေးတယ်"
“အုပ်ကြီး သန်းဝင်းက သေနတ်ကိုင်ခွင့်ရထားတာ။ ဖဲဝိုင်းလုပ်ရင် လိုင်းကြေးလာလာကောက်တယ်။ အရင်ကတော့ပေးနေကျ။ ခဏခဏတောင်းတော့ လူပါးဝလို့ဆိုပြီး ခုတခေါက်မပေးဘူး ပြောတော့ ပြသနာတက်ကြပြီး အုပ်ကြီးက သေနတ်နဲ့ပစ်တာ”
“ပိန္နဲပင်က ရွာပြင်ဘက်မှာရှိတယ်။ အဲဒီအပင်နားမှာ တဲရှိတယ်။ ပျူစောထီးတွေက မိုင်းကို တဲဘေးမှာ ထောင်ထားတယ်။ အဲဒါ အသက်အငယ်ဆုံးကလေးက နင်းမိပြီး အကုန်ထိကုန်တာ။ ဗူတီကိုတော့ မနေ့က သဂြိုလ်ပေးလိုက်ပြီ၊ ဦးမောင်ငွေက အဆုတ်ကိုထိသွားတယ်။ စိုးရိမ်ရတယ်။ ထွန်စည်သူအောင်က မျက်လုံးကိုထိသွားတယ်။ ဘာမှကောင်းကောင်းမမြင်ရတော့ဘူးလို့ ပြောတယ်”
"လက်နက်တွေ၊ မိုင်းတွေ၊ ယမ်းထုပ်တွေ၊ ဆိုင်ကယ်တွေ၊ အိုးခွက်၊ ပန်းကန်တွေကအစ စခန်းမှာရှိသမျှ ပစ္စည်းတွေအကုန်လုံး မီးရှို့တဲ့အထဲပါသွားတယ်။ တန်ဖိုးအားဖြင့်ကတော့ သိန်း ၃၀၀ လောက်ရှိပါတယ်။ ပြီးတော့ မီးလောင်ပြင်ထဲ စခန်းကပစ္စည်းတွေနဲ့ရောလို့ လူအလောင်းတခုကိုလည်း တွေ့ရတယ်။ သူကဓားစာခံခေါ်ခံရသူဖြစ်နိုင်တယ်။ ဘယ်သူ၊ဘယ်ဝါဆိုတာကို မသိရဘူး "
"စစ်တပ်က ပထမတခါလည်း အိမ်တွေမီးရှို့တယ်။ ပြည်သူတွေကို အစုလိုက် အပြုံလိုက် မီးရှို့သတ်ခဲ့တယ်။ အခုလည်း ကောင်းတဲ့ကြီးတဲ့အိမ်တွေ မီးထပ်ရှို့တယ်။ အဲ့ဒီရွာနားမှာ မိုင်းဆွဲခံရတော့ အထိနာသွားတယ်။ ရွာမီးရှို့တော့ အပြစ်မဲ့ပြည်သူတွေပဲ ဒုက္ခရောက်တာပေါ့ဗျာ"
"သူက အိမ်ထဲမှာရှိနေတဲ့အချိန် ပစ်ခတ်ခံလိုက်ရတာ။ နေရာမှာတင်ပွဲချင်းပြီး သေသွားတယ်။ သူက အိမ်ကိုအလည်ရောက်နေတာ။ ဘယ်အဖွဲ့က ပစ်သတ်သွားလည်းဆိုတာကိုတော့ မသိဘူးဗျ။ သူ့အလောင်းကို စကစတွေက (မေ ၃၁)မနက်မှာ လာယူသွားကြတယ်"
“ကလေးတွေကို မသေချာဘဲနဲ့ ဒီလို အဆုံးစီရင်လိုက်တယ်ဆိုတော့ လက်နက်ကိုင်အဖွဲ့တွေက ဖမ်းတယ်ပေါ့။ ဖမ်းပြီး မေးမြန်းစစ်ဆေးတဲ့အချိန်ကျတော့ တရားစီရင်ရေးတွေ၊ အချုပ်ထောင်တွေ မပေါ်သေးတဲ့အချိန်(၂၀၂၁ခုနှစ်)ဆိုတော့၊ သူတို့ကို ခဏ အာမခံနဲ့ပေးပြီးတော့ တော်လှန်ရေးပြီးတဲ့ကာလပဲဖြစ်ဖြစ်၊ တရားဥပဒေ ပေါ်လာတဲ့ကာလပဲဖြစ်ဖြစ် မင်းတို့ဟာ တရားဥပဒေအရ ရင်ဆိုင်ဖြေရှင်းရမယ်။ တရားဥပဒေအရပေးတဲ့ ပြစ်ဒဏ်ကို ခံယူရပါမယ်ဆိုတဲ့ ခံဝန်လက်မှတ်တွေနဲ့ ပြန်ထွက်လာတာပါ”
"သူတို့လယ်ထဲက နှမ်းခင်းကို ရေသွင်းနေတဲ့အချိန် မိုးရွာ၊ လျှပ်စီးတွေလက်နေလို့ ယာခင်းတဲထဲ ဝင်နားလိုက်ကြတယ်။ သူတို့တဲထဲရောက်ပြီးချိန်မှ မိုးကြိုးကပစ်တာ။ သူတို့နားနေတဲ့ တဲကိုထိပြီး သူတို့ ၃ ယောက်လုံးပါ မိုးကြိုးထိပြီး သေသွားတာ။ ၂ ယောက်က ညီအကိုဝမ်းကွဲ၊ တယောက်က အလုပ်သမား "
"အပြစ်မဲ့ပြည်သူကို ဖမ်းမိတဲ့နေရာမှာ ဘာမှမမေးဘဲ သေနတ်နဲ့ ရက်ရက်စက်စက် ပစ်သတ်သွားတယ်။ ချောင်းနားရွာထဲက ပြည်သူပိုင်ပစ္စည်းတွေကိုလည်း မတရားယူတယ်။ သယ်လို့မနိုင်တဲ့ ပစ္စည်းတွေ၊ အိမ်တွေ မီးရှို့ပစ်တာ။"
"ကျေးရွာ ၂ ရွာပေါင်းမှာမှ ကျွဲအကောင်ရေ ၃၀၀ လောက်ပဲရှိတယ်။ ခုက ထက်ဝက်လောက်သေသွားတာဆိုတော့ လုပ်ငန်းခွင်အချိန်မီဝင်လို့ မရဘူးဖြစ်နေတယ်။ လက်ရှိ ကျွဲကျန်ခဲ့တဲ့သူတွေ လုပ်ငန်းခွင်ပြီးမှ အခြားသူက ငှားလုပ်ရမယ့် အခြေနေပါ။ အချိန်မီ မစိုက်ပျိုးနိုင်ရင်တော့ အထွက်ကျတာနဲ့ ပိုးမွှားဖျက်ဆီးတဲ့ဒဏ်တွေ ခံရနိုင်တယ်။”
“သူက ဒုဗိုလ်မှူးကြီးလို့သိရတယ် နာမည်ကရဲနိုင်။ သူ့ကိုရှင်းလင်းဖို့ကျနော်တို့ဘက်က ၇ ရက်လောက်အချိန်ယူရတယ်။ အရပ်ဝတ်နဲ့ဆိုင်ကယ်နဲ့ လျှောက်သွားနေတာ။ ကျနော်တို့ထင်တာတော့ ထောက်လှမ်ရေးလုပ်နေတယ်လို့ ထင်တယ်။ အမြန်လှုပ်ရှားပြီး ချက်ချင်းပစ်၊ ချက်ချင်းပြန်ဆုတ်ခဲ့ရတယ်”
“သူတို့မနက်က သဗြူးရွာက အိမ် ၂ လုံးကို အရင်မီးရှို့တယ်။ ပြီတော့ ကုန်းတန်းလေးရွာထဲကို ဝင်လာပြီး သူတို့လိုက်ရှာနေတဲ့ လူတဦးရဲ့နေအိမ်ကို မီးလာရှို့လိုက်တယ်။ မီးရှို့ပြီးတော့ မအူပင်အနောက်ဘက်ကို ထွက်သွားတာ။ ထွက်သွားပြီး ကုန်းတန်းလေးရွာကို ပြန်လာတဲ့အချိန် မိုင်းမိသွားတော့ သူတို့ကား ၂ စီးက ကြေသွားတယ်။ အဲ့ဒါနဲ့ ကုန်းတန်းလေးရွာထဲဝင်ပြီ ထပ်ပြီ မီးရှို့တော့တာပဲ”
"အဓိကကတော့ သူတို့ရဲ့စားဝတ်နေရေးနဲ့ ကျန်းမာရေး အဓိကခက်ခဲနေတာပါ။ စားဝတ်နေရေးခက်ခဲနေရင် သူတို့က ဆင်တွေကိုစွန့်ပြီး နေရပ်ပြန်မယ်လို့ ဆိုပေမယ့် စားဝတ်နေရေးအထောက်အပံ့ရရင်တော့ ဆင်တွေကိုဆက်ပြီး ထိန်းကျောင်းသွားကြမှာပါ"
"ရွာသားတွေက ထွက်ပြေးချိန်မရလိုက်ဘူးဗျ။ အိမ်ဘယ်လောက် မီးရှို့နေတာလည်းဆိုတာကိုတော့ မသိရ သေးဘူး။ ရွာထဲက မီးခိုးတွေ၊ မီးလောင်နေတာတွေကို အခုထိမြင်နေရတယ်။ စကစနဲ့ပျူတွေကတော့ ရွာရဲ့ဘုန်းကြီးကျောင်းမှာ ဝင်နေတယ်လို့သိရတယ်။ ဖမ်းဆီးခံထားရတဲ့ ဒေသခံတွေတော်တော်များများ ရှိနိုင်တယ်"
Sharing Information to the Local