စက်တင်ဘာ ၁၉ ရက်နဲ့ ၂၀ ရက်တွေမှာ အခမ်းအနားနဲ့ ပေးအပ်ခဲ့တာဖြစ်ပြီး စစ်ယူနီဖောင်းအသစ်တွေ တပ်ဆင်နိုင်ဖို့အတွက် ယခုနှစ်ဆန်းပိုင်းကနေ အကောင်အထည်ဖော်ဆောင်ရွက်ခဲ့ရာ အချိန် ၉ လကြာပြီးမှပေးအပ်နိုင်ခဲ့တာလို့ ဂန့်ဂေါခရိုင် အမှတ် ၁ တပ်ရင်းရဲ့ ပြန်ကြားရေးတာဝန်ခံက ပြောပါတယ်။
စက်တင်ဘာ ၁၇ ရက်ကနေ စက်တင်ဘာ ၂၀ ရက်။ ဒီနေ့အထိ အဆိုပါကျေးရွာတွေက အိမ်ထောင်စု ၄၀၀ ကျော်ကို ခေါက်ဆွဲခြောက်နဲ့ ဆေးဝါးတွေထောက်ပံ့ပေးခဲ့တာလို့ ပဲခူးခရိုင် အမှတ် ၂ တပ်ရင်း 3702 အဖွဲ့ပြန်ကြားရေး တာဝန်ခံက ပြောပါတယ်။
“လိုအပ်တာက တကျောင်းနဲ့တကျောင်းကတော့ မတူဘူး။ တချို့ကျောင်းက အမိုးကတော့ နေလို့ရသေးတယ်။ မာကာတို့၊ မင်အိုးတို့၊ စာရေးကိရိယာတို့ အဲ့ဒါတွေ လိုအပ်တဲ့ကျောင်းတွေလည်း ရှိတယ်။ တချို့က အမိုးအကာမလုံသေးတဲ့ကျောင်းတွေ အများကြီးရှိတယ်။”
လက်ရှိမှာ ရေပြန်ကျသွားပြီး ကူညီကယ်ဆယ်ရေးတွေကို ပရဟိတအသင်းတွေ့နဲ့ သက်ဆိုင်ရာနယ်မြေခံအဖွဲ့တွေက လုပ်ကိုင်နေကြပေမယ့် ဆေးဝါးနဲ့ စားစရာတွေလိုအပ်နေတယ်လို့ ရေဘေးကယ်ဆယ်ရေးလုပ်ဆောင်နေတဲ့ ပရဟိတသမားတဦးက ပြောပါတယ်။
စစ်ကိုင်းတိုင်း၊ ချောင်းဦးမြို့နယ်တွင်းက အင်အား ၁၀၀ ကျော်ရှိတဲ့ ကံကြီးကုန်း ပျူစောထီးရွာကို PDF ပူးပေါင်းအဖွဲ့တွေက စက်တင်ဘာ ၁၀ ရက်နဲ့ ၁၁ ရက်နေ့တွေမှာ ၄၀ မမ၊ ၈၀ မမ တွေနဲ့ ပစ်ခိုက်တိုက်ခိုက်ခဲ့တယ်လို့ အဲဒီတိုက်ခိုက်မှုမှာပါဝင်ခဲ့တဲ့ Monywa Inventor အဖွဲ့က တိုက်ခိုက်ရေးခေါင်းဆောင် မိုးသောက်က ပြောပါတယ်။
အခြေခံစစ်ပညာအပတ်စဉ် ၁ ကို ၁၀၂၇ စစ်ဆင်ရေးမတိုင်ခင်က ပြုလုပ်ပေးခဲ့ပြီး အပတ်စဥ် ၂ ကိုတော့ ပြီးခဲ့တဲ့ မေလထဲမှာ သင်ကြားပေးခဲ့ကာ ဒီလစက်တင်ဘာ ၆ ရက်က အပတ်စဉ် ၂ သင်တန်းဆင်းပွဲကို လွတ်မြောက်နယ်မြေ တခုမှာ ပြုလုပ်ခဲ့ပါတယ်။
ရမည်းသင်းမြို့နယ်၊ ဆည်ကြီးကျေးရွာအုပ်စု၊ ဆည်ကြီးကျေးရွာက အမျိုးသား ၁ ဦး၊ ညောင်အိုင်ကျေးရွာက အမျိုးသမီး ၁ ဦး၊ မြင်းနားကျေးရွာအုပ်စု၊ ကံသာအေးကျေးရွာက အမျိုးသား ၂ ဦးနဲ့ အမျိုးသမီး ၄ ဦး၊ ရွှေနန်းပေါ်ကျေးရွာက အမျိုးသမီး ၁ ဦး၊ ဝါးဖြူတောင်ကျေးရွာအုပ်စု၊ ချောင်းဖျားကျေးရွာက အမျိုးသမီး ၁ ဦး စုစုပေါင်း ၁၀ ဦးသေဆုံးခဲ့တာပါ။
မိုင်းထိတာကြောင့် စစ်ကောင်စီတပ်ဖွဲ့ဝင် ၁ ဦး သေဆုံးခဲ့တာကို မျက်မြင်တွေ့ခဲ့ရပြီး ကျန်ထိခိုက်မှုတွေကိုတော့ ဆက်လက်စုံစမ်းနေဆဲဖြစ်ကာ နယ်မြေရှင်းလင်းချိန်မှာ G3 သေနတ် ၁ လက်နဲ့ ၇.၆၂ မမ ကျည် ၁၂ တောင့် သိမ်းဆည်းရမိခဲ့တယ်လို့ Myingyan Black Tiger MBT အဖွဲ့တာဝန်ခံ ဗိုလ်မိုက်ခဲက ပြောပါတယ်။
အိမ်ထောင်စုတစုကို ငွေကျပ် ၅ သောင်းစီနဲ့ စက်တင်ဘာလ ၇ ရက်မှာ ပခုက္ကူမြို့နယ် ပြည်သူ့ အုပ်ချုပ်ရေးအဖွဲ့ရဲ့ လူသားစာနာတာဝန်ခံက သွားရောက်ထောက်ပံ့ခဲ့တာလို့ ပခုက္ကူမြို့နယ် ပြည်သူအုပ်ချုပ်ရေးအဖွဲ့မှရုံးအဖွဲ့မှူး မစုက ပြောပါတယ်။
မကွေးတိုင်း၊ ပခုက္ကူမြို့နယ်၊ သာကြီးတောင်ရဲကင်းစခန်းသိမ်း တိုက်ပွဲကနေပြန်လာတဲ့ Freedom Revolution Force တပ်ဖွဲ့ဝင်တွေကို စစ်ကိုင်းတိုင်းထဲက ရွာတရွာကပြည်သူတွေက စက်တင်ဘာ ၆ ရက်နေ့ ညနေပိုင်းကကြိုဆိုခဲ့ကြပါတယ်။
ဖမ်းဆီးခံရသူတွေက သူတို့ဟာ စစ်မှုထမ်းဟောင်းလို့ထွက်ဆိုပေမယ့် ဒေသခံကာကွယ်ရေး ရဲဘော်တွေဘက်ကတော့ ရဲတပ်သားနဲ့ ပျူစောထီးဖြစ်နိုင်တယ်လို့ ယူဆထားပြီး ဘာဆက်လုပ်မယ်ဆိုတာကိုတော့ ဆက်လက်စစ်ဆေးမေးမြန်းပြီးမှ ဆုံးဖြတ်ရမှာဖြစ်တယ်လို့ Myingyan Ranger မြင်းခြံခရိုင်အမှတ် ၂ တပ်ရင်း၊ တပ်ခွဲ ၃ အဖွဲ့ရဲ့ တပ်ရေးဗိုလ် က ပြောပါတယ်။
8+အညာမြေစစ်ဆင်ရေး မဟာမိတ်အင်အားစုတွေဘက်က စစ်အုပ်စုဂိတ် ဘန်ကာအနီးအထိ ဝင်ရောက်နိုင်ခဲ့ပြီး အပြန်အလှန်ပစ်ခတ်မှု တနာရီကျော်ကြာမြင့်ခဲ့တယ်လို့ ပြောပါတယ်။ ဒါအပြင့် စစ်ကောင်စီ ဌာနဆိုင်ရာရုံး ၃ ခုကိုလည်း မီးရှို့ခဲ့ပြီး စစ်အုပ်စုဘက်က သေဆုံးထိခိုက်စာရင်းကိုတော့ မသိရသေးဘဲ စုံစမ်းနေဆဲဖြစ်တယ်လို့ တာဝန်ခံ ရဲဘော်ရှိုင်းက ပြောပါတယ်။
ကျဆုံးသွားတဲ့ ရဲဘော် နန်းကိုရဲ့ ဈာပနာကို သူ့ရဲ့မွေးရပ်ဇာတိ၊ ရွှေဘိုနယ်ကကျေးရွာမှာ အခမ်းအနားနဲ့သင်္ဂြိုဟ်ခဲ့ကာ တပ်ဖွဲ့က အမိန့်ပြန်တမ်းထုတ်ပြန်တာတွေ ပြုလုပ်ခဲ့တယ်လို့ ရွှေဘိုခရိုင် PDF အမှတ် ၂၆ တပ်ရင်း ပြန်ကြားရေးတာဝန်ခံက မြေလတ်အသံကို ပြောပါတယ်။
မကွေးတိုင်း၊ မြိုင်မြို့နယ်ထဲက ကျေးရွာတရွာမှာစစ်ရှောင်နေကြတဲ့ စစ်ရှောင်ပြည်သူ ၃၀၀ ကျော်ကို စက်တင်ဘာ ၅ ရက်မှာ ကျန်းမာရေးစောင့်ရှောက်မှုပေးခဲ့တယ်လို့ မြေလတ်ဒေသပြောက်ကျားတပ်ဖွဲ့ - MRG အဖွဲ့ဆီက သိရပါတယ်။
အခမ်းအနားမှာ ပြည်သူ့ကာကွယ်ရေးတပ်မတော်သီချင်းသီဆိုခြင်း၊ PDF အလံတော်ကို အလေးပြုခြင်း၊ ULF စစ်ကြောင်းမှူးက ဂုဏ်ပြုမိန့်ခွန်းဖတ်ကြားခြင်းနဲ့ ဖယ်ဒရယ်ဒီမိုကရေစီတိုက်ပွဲအတွင်း မြင့်မြတ်စွာကျဆုံးခဲ့ရတဲ့ ရဲဘော်များအား ဦးညွှတ်အလေးပြုခြင်း စတဲ့အစီအစဥ်တွေလည်း ပါဝင်တယ်လို့Union Liberation Front - ULF ပြန်ကြားရေးတာဝန်ခံက ပြောပါတယ်။
Sharing Information to the Local