ဗုံးအတုကို စနိုက်ပါနဲ့ ပစ်နေတဲ့ စစ်ကောင်စီတပ်ဖွဲ့ မိုင်းခွဲခံရလို့ စခန်းမှူးအပါ ၂ ဦး ဒဏ်ရာပြင်းထန်ရ
"ကျနော်တို့က ပထမ ရှောင်တခင်မြို့တွင်းကိုဝင်ရောက်ပြီး မိုင်း ၂ လုံးဆင်ထားပါတယ်၊ စစ်** ရဲ**တွေအလာကိုစောင့်နေတဲ့အချိန်မှာ ဗိုလ်အိမ်နံပါတ် ၆၀ ကနေ ကားနဲ့ ချောက်မြို့နယ်စခန်းမှူးအပါ ၅ ဦး ရောက်လာပါတယ်။ ဗုံးအတုတလုံးကိုလည်း ကျနော်တို့ထောင်ထားတဲ့နေရာရဲ့ မျက်နှာချင်းဆိုင် ကြံ့ခိုင်ရေးရုံးရှေ့မှာ မြင်သာအောင်ချထားတယ်။ဗုံးအတုကို သူတို့ကတွေ့သွားပြီး စနိုက်ပါနဲ့ မတ်တပ်ရပ်ပြီး ၃ ချက်ပစ်ပြီးတော့ ဖောက်ခွဲဖျက်ဆီးကြတယ်။ စခန်းမှူးနဲ့စစ်ခွေး ၁ ကောင်က ကျနော်တို့မိုင်းဆင်ထားတဲ့နေရာကို လျှောက်လာတဲ့အခါ မိုင်းရဲ့တည့်တည့်နီးပါးရောက်တဲ့အချိန် ဖောက်ခွဲဖျက်ဆီးလိုက်နိုင်တယ်" လို့ Chauk Guerrilla Force ဒုခေါင်းဆောင် ဗိုလ်ပေတက ပြောပါတယ်။