Sharing Information to the Local
ဖြူးမှာ စစ်အုပ်စုပစ်တဲ့လက်နက်ကြီးထိလို့ ကလေး ၂ ဦးသေဆုံး
"လက်နက်ကြီးတွေ ရွာထဲ ပစ်ဝင်လာတာ။ တိုက်ပွဲဖြစ်တာလည်း မရှိသလို အဲ့ရွာထဲမှာလည်း ကျနော်တို့ PDF တွေမရှိဘူး။ သူတို့ပစ်တဲ့ လက်နက်ကြီးထိလို့ ဒေသခံတွေ ထိခိုက်သေဆုံးတာ ရှိတယ်"
Kyaw Gyi
စစ်တပ်ပစ်တဲ့ လက်နက်ကြီးကြောင့် ပြည်သူ ၁ ဦးသေ၊ သံဃာ ၁ ပါးဒဏ်ရာရ
"စကစ ဘက်ကလည်း လက်နက်ကြီးတွေရော လေယာဥ်တွေနဲ့ပါ ပစ်ခတ်နေတာတွေရှိတယ်။ တိုက်ပွဲတွေလည်း ရှိနေတယ်လို့သိရပြီး အသေးစိတ်တော့ မသိရဘူး။ အရပ်သား ထိခိုက် သေဆုံးကတော့ မကြာခဏဆိုသလို ဖြစ်နေတာ"
သာယာဝတီမှာ စက်သုံးဆီဝယ်ယူပါက စစ်တပ်ကို ၅ ရာခိုင်နှုန်း ပိုက်ဆံပေးရ
"ဆိုင်မှာ ဂါလံပုံးတွေနဲ့ သွားဝယ်ရင် ၁၀,၀၀၀ ဖိုး ဝယ်ရင် ၅၀၀ ကျပ်ပေးရတယ်။ မပေးရင် မရောင်းပေးဘူး။ အဲ့တော့ လယ်ယာလုပ်ဖို့ ဆီကလည်း မဖြစ်မနေ လိုတာဆိုတော့ မကျေနပ်ပေမယ့် ပေးနေရတယ်"
ရဲတွေ စခန်းစွန့် ထွက်ပြေးလို့ ချပ်သင်းရဲစခန်းကို PDF တွေ အလွယ်တကူသိမ်းနိုင်ခဲ့
"သူတို့ဘက်က ခဏလောက်ပဲ ပစ်ပြီး စခန်းကုန်းဘက်ကို ဆုတ်သွားကြတာ။ သိပ်ပြီး ပစ်လိုက်ရတာတောင်မရှိဘူး။ အလွယ်တကူပဲ သိမ်းလိုက်နိုင်တယ်။" လို့ ဒေါင်းရာဇာချပ်သင်းအဖွဲ့ တာဝန်ခံက ပြောပါတယ်။
ရေတာရှည်နယ် တလအတွင်းတိုက်ပွဲတွေမှာ PDF ၂ ဦးသေဆုံးပြီး စစ်အုပ်စုတပ်ဖွဲ့ဝင် ၈၀ ကျော်ကို ရှင်းလင်းနိုင်ခဲ့ ဟုဆို
"ကျနော်တို့ဘက်က နယ်မြေကာကင်းတွေထုတ်ထားချိန်မှာ စစ်ကောင်စီဘက်က စစ်ကြောင်းထိုးလာလို့ တိုက်ပွဲဖြစ်တာများပါတယ်။ ဒီဘက်ကလည်း သူတို့တပ်စွဲနေရာတွေကို သွားတိုက်တာလဲရှိတယ်"လို့ တောင်ပိုင်းတိုင်း အမှတ် ၂ စစ်ဒေသခွဲပြန်ကြားရေးတာဝန်ခံ ကိုစောဒိုရှုင်းက ပြောပါတယ်။
မုန်းမြို့နယ်မှာ စစ်တပ်က လေယာဉ်၊ လက်နက်ကြီးတွေနဲ့ပစ်လို့ ပြည်သူ ၁ ဦးသေ၊ ၃ ဦးဒဏ်ရာရ
"မနေ့ နေ့လယ်က လက်နက်ကြီးကျလို့ ဒဏ်ရာရသူရှိတယ်။ ရှေ့တရက်ကလည်း လေယာဥ်နဲ့ပစ်၊ လက်နက်ကြီးတွေနဲ့ ပစ်တာရှိတယ်။ ဒေသခံတော်တော်များများတော့ ရှောင်နေရတယ်" လို့ မုန်းမြို့နယ် ကရင့်အရေးပေါ်ကူညီ ကယ်ဆယ်ရေးကော်မတီ တာဝန်ရှိသူကပြောပါတယ်။
အုတ်တွင်းမှာ အမျိုးသား ၁ ဦး ကြိုးဆွဲချသေဆုံး
"ညကတည်းက သေဆုံးနေပုံရတယ်။ မနက်ကျမှ သူမိန်းမအိမ်ပြန်လာမှ တွေ့ရတယ်။ အိမ်ထဲမှာ ဒူးထောက်လျက် အနေအထားနဲ့ ကြိုးဆွဲချသေဆုံးနေတာ" လို့ ဒေသခံတဦးက ပြောပါတယ်။
မြန်မာနိုင်ငံလူမှုကယ်ဆယ်ရေးအဖွဲ့ ရွှေဘိုခရိုင် Rescue က ကူညီကယ်ဆယ်ရေးလုပ်ငန်းတွေ ရက်အကန့်အသတ်မရှိ ရပ်နား
"သူတို့အသင်းက ဆရာတော်နဲ့ အသင်းဝင်တွေကို လက်နက်ကိုင်တဖွဲ့က ဖမ်းဆီးပြီးကတည်းက သူတို့အသင်း နားလိုက်တာ။ အခုကျတော့ ကျန်တဲ့အသင်းတွေကလည်း အဝေးလူနာပါဆို မလိုက်ရဲကြတော့ဘူး" လို့ ဒေသခံတဦးက ပြောပါတယ်။
ကျောက်ကြီးနယ်မှာ စစ်အုပ်စုရဲ့ ပစ်ခတ်မှုတွေကြောင့် ၁ လအတွင်း ကလေး ၃ ဦးအပါ ၁၇ ဦးဒဏ်ရာရ
"ဒီလအတွင်းမှာ KNU ထုတ်ပြန်ချက်အရ လေကြောင်းတိုက်ခိုက်မှု ၂၅ ကြိမ်ရှိတာသိရတယ်။ လက်နက်ကြီးပစ်ခတ်မှုကတော့ အကြိမ်ရေ ရာချီရှိနိုင်တယ်"
မြောင်က ၃ရက်တာ တိုက်ပွဲအတွင်း စစ်သား ၁၃ ဦးကျော် ဒဏ်ရာရ (ရုပ်/သံ)
စစ်ကိုင်းတိုင်းဒေသကြီး၊ မြောင်မြို့နယ်၊ ဆူးလေကုန်းကျေးရွာ၊ သုခဒီပကျေးရွာနဲ့ ရွှေလှံကျေးရွာတွေမှာ ၃ ရက်အတွင်း ၃ ကြိမ်တိုက်ခိုက်ခံရလို့ စစ်ကောင်စီဘက်က ၁၃ ဦးကျော်ဒဏ်ရာရတယ်လို့ Myingyan District Drone Strike Team ထံက သိရပါတယ်။
စစ်ကောင်စီပစ်ခတ်တဲ့ လက်နက်ကြီးထိလို့ သားအမိ ၂ ဦးအပါအဝင် ၄ ဦး ဒဏ်ရာရ
"လက်နက်ကြီးကလည်း စကစ ဘက်က ဒီလိုပဲ ပစ်နေကြတာ။ ဒီရက်ပိုင်းတွေဆို ပိုဆိုးလာတယ်။ ညတိုင်းနီးပါး ပစ်လာတယ်။ အရင်ကတောင် ရက်ခြားပစ်သေးတယ်" လို့ ညောင်လေးပင်အခြေစိုက် ဒေသကာကွယ်ရေးအဖွဲ့ဝင်တဦးက ပြောပါတယ်။
ပဲခူးမှာ စစ်ကောင်စီသီတင်းကျွတ်မီးထွန်းပွဲကာလ လျှပ်စစ်မီးရရှိချိန် ပိုနည်းလာ
"အရင်ကတည်းက မီးကမမှန်တာ။ ခုကျ မီးထွန်းပွဲလုပ်နေတဲ့အချိန်မှာ ပိုဆိုးသွားတာ။ ဖွင့်ပွဲက လပြည့်နေ့မှ ဆိုပေမယ့် ဒီမတိုင်ခင် ၄၊ ၅ ရက်ထဲက စျေးတန်းတွေရှိတယ်။ အဲ့ဒီမှာကျ မီးက ထိန်လင်းနေရော။ ရပ်ကွက်တွေကျ လာချိန်မမှန်ဘဲ မလာတာက များတယ်။ ပွဲတော်ကိုကျ တနေကုန် နီးပါး မီးပေးထားတယ်"
စစ်အာဏာသိမ်း ရက် ၁၀၀၀ ပြည့် စစ်အာဏာရှင်ဆန့်ကျင်ရေးသပိတ် (ရုပ်/သံ)
"သီတင်းကျွတ်လပြည့်နေ့မှာ ဘုရားရှင်ကို တိုင်တည်ပြီး စစ်အာဏာရှင်စနစ် အမြန်ဆုံး ပြုတ်ကျရေးနဲ့ နိုင်ငံနဲ့အနှံ့မှာ ဖမ်းဆီးထိန်းသိမ်းခံရပြီး ကျဆုံးရဲဘော်တွေအတွက် ဆုတောင်းဆီမီးထွန်းပွဲလေးလုပ်ခဲ့တာပါ"
အုတ်ဖိုမှာ အုပ်ချုပ်ရေးမှူးတဦး ရှင်းလင်းခံရ
"အလှူကနေ ပြန်လာချိန် ပစ်သတ်ခံရတယ်လို့တော့ သိရတယ်။ သူက စကစခန့်အုပ်ကြီးဆိုတော့ စကစ ခိုင်းတာမှန်သမျှ လုပ်တယ်"
ဦးပိန်တံတား ကျိုးကျလို့ လူ ၂၃ ဦးဒဏ်ရာရ
"ဒီနေ့က လပြည့်နေ့ဆိုတော့ လာရောက်လည်ပတ်သူတွေက များတော့ လူဝိတ်ကို မခံနိုင်ဘဲ ကျိုးကျသွားတယ်။ ကျတဲ့ အချိန်က လူ ၅၀ လောက်ရှိမယ်"
နောက်ဆုံးရ သတင်းများ
06