“ပေါင်းတည်က နတ်ပုတီးရွာမှာ ဒလန် ၂ ယောက် အသတ်ခံရတဲ့နေ့ကစပြီး ပစ်ခတ်တဲ့သူတွေက ဝက်ပုတ်ရွာဘက်ကို ပြေးသွားတယ်ဆိုပြီး ဝက်ပုတ်ရွာကိုမဲနေတာ။ လုပ်တဲ့အဖွဲ့က သူတို့ လက်ချက်ပါလို့ ကြေညာထားပြီးသားကို ခုတော့ လူငယ်အတော်များများက အိမ်မှာမနေရဲလို့ ရှောင်နေကြရတာ“ လို့ ဒေသခံတဦးက ပြောပါတယ်။
"ထက်ကြီးရွာအရောက်မှာ သတ်ပြီးတော့ မြောင်းထဲကို ပစ်ချထားခဲ့တယ်၊ ကျနော်တို့ ရဲဘော်ရဲ့အလောင်းကိုတော့ ဒီနေ့ ဩဂုတ်လ ၁၂ ရက်နေ့လယ် ၁၂ နာရီခွဲဝန်းကျင်မှာ ပြန်ပြီးတော့ သယ်ထုတ်လာနိုင်ခဲ့တယ်"လို့ ဆိုပါတယ်။
“အင်အားကတော့ ပုံသေမရှိဘူး၊ ဒီကောင်တွေက နည်းပညာတက္ကသိုလ်အထဲမှာ တပ်စွဲတယ်။ ပြီးရင် စစ်ကြောင်းပတ်ထိုးတယ်၊ ပြီးရင် ဘယ်ရောက်လို့ ရောက်သွားကြမှန်းမသိဘူး၊ အဲ့ဒါပြီးတော့ နောက်တဖွဲ့ ပြန်ရောက်လာပြန်တယ်၊ ပစ်ခတ်တာတော့ တော်တော်များများ ပစ်ခတ်ခဲ့တာပါ”
" သူတို့ပစ်တာက စစ်တောင်းမြစ်အရှေ့ဘက်ကမ်း ထန်းတပင်မြို့နယ်ထဲက ကွေ့ကြီး၊ ပိန်းကျော်၊ ငါးဆီလှောင်ကျေးရွာတွေဘက်ကို လက်နက်ကြီး ၆ လုံးပစ်ခတ်ခဲ့တာ "
"ဒီနေ့မနက် (သြဂုတ် ၁၂) ပယ်သကြီးရွာမှာ မသန်စွမ်း စိတ်သိပ်မနှံ့တဲ့ အသက် ၂၉ အရွယ် အမျိုးသားကို သေနတ်ဒဏ်ရာနဲ့ သေနေတာတွေ့တယ်။ နောက်ပြီး အသက် ၅၀ အရွယ်အမျိုးသားလည်း နှလုံးရပ်ပြီးသေသွားတယ်။ ထန်းကြီးရွာကလည်း လူငယ် ၂ ဦး သတ်ဖြတ်ခံထားရတယ် "လို့ Wetlet information networkက ကိုနဂါးလေးက ပြောပါတယ်။
ဩဂုတ်လ ၁၁ ရက် မနက် ၁၁ နာရီခန့်မှာ ရွှေဘိုမြို့အဝင်မုဒ်ဦးအနီးဝန်းကျင် စစ်ကောင်စီအဖွဲ့တွေ ကင်းပုန်းဝပ်တတ်တဲ့ နားမှာ မိုင်းဆင်ပြီး မုဒ်ဦးနားထိသွားရောက်ကာ သေနတ်ပစ်ဖောက်ပြီး စစ်ကောင်အဖွဲ့ကို ထွက်လာအောင် စိန်ခေါ်ခဲ့တယ်လို့ ဆိုပါတယ်။
"ကျနော်တို့က လက်နက်ကြီးနဲ့ ၃ လုံးပစ်တယ်၊ သူတို့ထွက်ပစ်တော့ ကျနော်တို့နဲ့အပြန်အလှန်ပစ်ခတ်ခဲ့ကြတယ်၊ တိုက်ပွဲချိန်က ၁ နာရီလောက်ကြာခဲ့တယ်၊ ထုလိုက်ရပ်လိုက်ပစ်လိုက်လုပ်ကြတာပါ၊ ၆၀ မမနဲ့ပစ်ပြီး စနိုက်ပါနဲ့ပစ်ခဲ့တယ်၊ G3 တတောင့်ထိုးတွေနဲ့လည်း ပစ်ခဲ့တာ၊ စနိုက်ပါနဲ့ ပစ်ခတ်ခဲ့လို့ တဦးသေဆုံးခဲ့တာ မျက်မြင်ကိုယ်တွေပါ" လို့ ခေါင်းဆောင် ဗိုလ်ကျားကြီးက ပြောပါတယ်။
စစ်ကိုင်းတိုင်း၊ မုံရွာမြို့၊ ထန်းတောကျွန်းဆွယ်ရပ်ကွက်က ကိုယ်ဝန်ဆောင် မအေးငြိမ်းသူနဲ့ ဝမ်းဗိုက်ထဲက သန္ဓေသားလောင်းကို ဒီကနေ့ ဩဂုတ်လ ၁၂ ရက် နေ့လယ်ပိုင်းက မုံရွာမြို့မသုဿန်မှာ ဂူသွင်းသင်္ဂြိုဟ်ခဲ့တယ်လို့ သိရပါတယ်။
အခုနှစ်အတွက် ပထမဆုံးအဖြစ် မိုးစပါးအငှားစိုက်ပြီး ယင်းမာပင်ခရိုင် တပ်ရင်း ၁ အတွက် ရည်ရွယ်ကာ ကောက်စိုက်နေကြတာဟာ ၁၀ ဧက နဲ့ ၁၅ ဧက ကြားအထိ စိုက်ပျိုးခဲ့ပြီးဖြစ်ပါတယ်။
“သူတို့က ဒကစ (ဒေသကွပ်ကဲမှုစစ်ဌာနချုပ်) ထဲကနေထွက်ခဲ့တာ မြို့အတွင်းကို ကင်းပတ်တာလိုလိုနဲ့ ကားတွေနဲ့ထွက်ခဲ့တာမှာ ထိတွေ့ပစ်ခတ်မှုတွေဖြစ်ခဲ့တာ။ ရန်သူဘက်က ၃ ယောက်သေပြီး ၆ ယောက်ဒဏ်ရာရတယ်။ ပထမရက်မှာ သူတို့ဆီကနေ ကျနော်တို့ AK47 လက်နက် ၂ လက်ရခဲ့တယ်”လို့ Wind Of Kalay အဖွဲ့တာဝန်ခံတဦးက ပြောပါတယ်။
"အခု စက်ရုံလည်ပတ်ဖို့ NON CDM ဝန်ထမ်းတွေ နည်းလမ်းပေါင်းစုံနဲ့ လုပ်နေကြတယ်။ စက်ရုံလည်ပတ်တာက တောင်သူအကျိုးပြုဖို့ မဟုတ်ပါဘူး။ စစ်ကောင်စီရဲ့ ကပစ စက်ရုံတွေအတွက် ပြည်သူကိုပြန်သတ်ဖို့ ခဲယမ်း ထုတ်တာမှာ အားပေးကူညီရာရောက်နေတယ်"လို့ ဝန်ထမ်းဟောင်းတဦးက မြေလတ်အသံကိုပြောပါတယ်။
"မိုင်းက တိုက်မိုင်းလို့ သိရတယ်။ အမျိုးသမီးတွေဆိုတော့ အပေါ့သွားတာ လူမမြင်ကွယ်ရာထိ သွားရတော့ ၁ ယောက်က တိုက်မိရာကနေ ဘေးကလိုက်သွားတဲ့ သူတွေပါထိတာ" လို့ ဒေသခံတဦးက ပြောပါတယ်။
"အဲ့ဒီဘုန်းကြီးက ငွေတိုးလည်းပေးစားတယ်။ စစ်တပ်ကို ပင်တိုင်သတင်းပို့တယ်။ သူ့အကို မောင်ခိုင်က အစိမ်းစွဲ၊ စစ်တပ်ဒလန်၊ ဒေသခံ ၁၀ ယောက်ရှိရင် ၉ ယောက်လောက်ကမုန်းတယ်။ ခုသတ်သွားတာကလည်း သူတို့အထဲကလူချင်း တောကြောင်ချင်း သတ်တာနေမှာ"လို့ ဒေသခံအမျိုးသားတဦးက မြေလတ်အသံကို ပြောပါတယ်။
"ကျနော်တို့တိုက်ခိုက်ချိန် ၂ နာရီအကြာ အရောက်မှာ ရွာကိုစိုးမိုးနိုင်လာတယ်ဗျ။ အဲ့အချိန်မှာ စကစဘက်က စစ်ကူတွေ ရောက်လာတယ်။ အဲ့စစ်ကူတွေနဲ့ တခြားတရွာကိုဆုတ်ပြီးတော့ ပြန်ပစ်တယ်ဗျ။ ကျနော်တို့က ကျည်အင်အား မလုံလောက်တော့ ပြန်ဆုတ်လာရတယ်။ ဒါပေမဲ့ အဲ့ပျူရွာကို ၈၀ ရာခိုင်နှုန်းအထိ မီးရှို့နိုင်ခဲ့တယ်"လို့ BAGAN OGRE FORCE (ပုဂံပြည်ဘီလူးတပ်) မှ ပြန်ကြားရေးတာဝန်ခံ ကိုဇီးကွက် က ပြောပါတယ်။
"အပစ်ခံရတာ တယောက်ကသေပြီး ခရီးသွားတယောက် ဒဏ်ရာရသွားတယ်။ သေတဲ့အင်ဖော်မာ ကျင်ထွေးကတော့ မျက်လုံးထွက်သွားတယ်၊ တယောက်ကတော့ သေလားရှင်လား မသိဘူး" လို့ မြို့ခံတဦးက ပြောပါတယ်။
Sharing Information to the Local