"မတ္တရာမြို့ပေါ်ကနေ စကျင်ရွာကို ကားနဲ့လာပြီး တခါခြေလျင်ဆက်လာတာကို ကျနော်တို့က ဟင်္သာရွာရောက်ခါနီးမှာ ဗုံးကြဲခဲ့တာ။ မျက်မြင်အရ စစ်သား ၄ ဦးနေရာတင် လဲကျသွားတယ်။ ရွာသားတွေ ပြောတာကတော့ ပျူ ၂ ဦးလည်း သေတယ်လို့ ပြောတယ်" လို့ Uniron အဖွဲ့ သတင်းတာဝန်ခံက ပြောပါတယ်။
"သူတို့ဘက်က ပစ်လိုက်တဲ့ လက်နက်ကြီးကျည်ထိမှန်ပြီး ကျဆုံးသွားတာပါ။ ၂ ဦးကတော့ နေရာမှာပဲ ကျဆုံးခဲ့ပြီး ရဲဘော်ခန့်သီဟကတော့ ဆေးခန်းရောက်မှ ကျဆုံးသွားတာပါ" လို့ Black Wolf Army ရဲ့ တာဝန်ရှိသူက ပြောပါတယ်။
"ကျတော်တို့ရဲဘော်တွေ ပစ်တဲ့ 7.62 တတောင့်ထိုး၊ အန္ဒိယကျည်လို့ခေါ်တဲ့ ၉ လုံးကျည်တွေလည်း မှန်တယ်။ ဒဏ်ရာ ရသွားတာတို့ ခြေထောက်ကို ထိသွားတာတို့ တယောက်နဲ့ တယောက်တွဲခေါ်သွားတာတို့ ခွေးပြေးဝက်ပြေး ပြေးသွားတာတို့ကို မျက်မြင်တွေ့လိုက်ရတယ်" လို့ DRPA ရဲ့ သတင်းတာဝန်ခံက ပြောပါတယ်။
"စစ်တပ်က မနက် ၁၀ နာရီလောက်မှာ ရွာထဲကို ပစ်ခတ်ဝင်တာမှာ ကောင်မလေး၂ ယောက်ကို ကျည်ထိသွားတယ်။ ပြီးတော့ ဘုန်းကြီးမရှိတဲ့ ကျောင်းထဲကို တပ်ဝင်စွဲနေတာ။ ကျနော်တို့က နေ့လယ် ၁၂ လောက်ကစပြီး ကျောင်းဝန်းထဲကို ဒရုန်းနဲ့ ဗုံးကြဲတာ" လို့ ယူနီကွန်ပြောက်ကျားတပ်ဖွဲ့မှ တာဝန်ရှိသူက ပြောပါတယ်။
မန္တလေးတိုင်း၊ အောင်မြေသာစံမြို့နယ်က ရဲစခန်းကို ရုတ်တရက် တိုက်ခိုက်ခဲ့တဲ့အတွက် ရဲတဦးသေဆုံးကာ တဦးပြင်းထန်ဒဏ်ရာရရှိသွားတယ်လို့ ပြည်သူ့ကာကွယ်ရေးမြို့ပြပြောက်ကျားတပ်ဖွဲ့ − မန္တလေး Generation Z Power က ဇန်နဝါရီလ ၃၁ ရက်ဒီနေ့မှာ သတင်းထုတ်ပြန်ထားပါတယ်။
စစ်တပ်က အာဏာသိမ်းခဲ့တာ၂ နှစ်ပြည့်တဲ့ မနက်ဖြန်ဖေဖော်ဝါရီလ ၁ ရက်မှာ နိုင်ငံတဝှမ်းနည်းတူ ပဲခူးမြို့မှာ ပြုလုပ်မယ့် အသံတိတ်သပိတ်ပျက်ပြားစေဖို့အတွက် စစ်ကောင်စီက စျေးဆိုင်ခန်းတွေဖွင့်ဖို့ ခြိမ်းခြောက်ပြီး လက်မှတ်ထိုးခိုင်းကာ လိုက်လံဖိအားပေးနေတယ်လို့ ဒေသခံတဦးက ပြောပါတယ်။
စစ်ကိုင်းတိုင်း၊ မုံရွာမြို့ပေါ်က နေရာ ၄ ခုမှာ အညာပစ်တိုင်းထောင်လေးများအဖွဲ့က စစ်တပ်က အာဏာသိမ်းယူတဲ့ ၂ နှစ်ပြည့်နေ့မှာ ပြုလုပ်မယ့် တိတ်ဆိတ်သပိတ်မှာ ပြည်သူတွေအနေနဲ့ပါဝင်ဖို့ လှုံ့ဆော်တဲ့ Stickers တွေကို လမ်းမပေါ်မှာ ဖြန့်ကြဲတာနဲ့ လိုက်လံကပ်တာတွေကို ဇန်နဝါရီလ ၃၀ ရက် ဒီမနက်မှာ ပြုလုပ်ခဲ့ ကြပါတယ်။
"မင်းရွာမှာက စစ်တပ်နဲ့ပျူက အင်အား ၇၀ လောက်နဲ့ တပ်စွဲထားတာကို ကျနော်တို့က ပထမအကြိမ် လက်နက်ကြီး ၆ ချက်တပြိုင်တည်းပစ်ချလိုက်တာ၊ စုစုပေါင်းက လက်နက်ကြီး ၃၁ ချက်ပစ်လိုက်တာ၊ ဒီကောင်တွေခုခံအားကျသွားတော့ ချင်းတွင်းမြစ်ထဲကနေ ရေတပ်ကလှမ်းပစ်လို့ ကျနော်တို့ဆုပ်ခွာလာခဲ့တာ၊ ဒီကောင်တွေထိခိုက်မှုများနိုင်တယ်"လို့ MBTအဖွဲ့တာဝန်ရှိသူက ပြောပါတယ်။
"သူတို့ကတောင်ပေါ်ကနေထော်လာဂျီအကြီးနဲ့ဆင်းလာတာ။ ကျနော်တို့ရဲဘော်တွေကပျောက်ကြားစနစ်နဲ့ကြားဖြတ်တိုက်ခိုက်ခဲ့တာပါ။ သူတို့ဘက်က ၆ ယောက်သေတယ်။တိုက်ပွဲကြာချိန်က နာရီဝက်လောက်ရှိတယ်"လို့ ရေစကြို (ပကဖ)တာဝန်ရှိသူက ပြောပါတယ်။
သဲကုန်းမြို့နယ်၊ ကန့်လန့်ကုန်းအုပ်စု၊ အိုင်းကုန်းကျေးရွာက အသက် ၄၇ နှစ်အရွယ် ရာအိမ်မှူးကိုညီဂျော်(ခ)ထွန်းထွန်းနိုင်ကို နန်းထိုက်အောင် စစ်ဆင်ရေးအဖြစ် မြို့ပြပျောက်ကျားအဖွဲ့က မနေ့ည ၁၀ နာရီခွဲလောက်က သုတ်သင်ခဲ့တာလို့ ဆိုပါတယ်။
"သူတို့က အင်အား ၃၀ ကျော်နဲ့ ဘိုကြီးစခန်းကို စစ်ကူလာတာ သတင်းရလို့ ပျဥ်းမခေါင်ရွာကို မရောက်ခင်မှာ မိုင်းဆွဲခဲ့တာ စစ်သား ၂ ယောက်က နေရာမှာပဲ သေတယ်။ ဒဏ်ရာရတာက ၃ ယောက်။ အဲဒီ ၃ ယောက်ကို ပျဥ်းမခေါင်ကျေးရွာက လူတွေက တောင်ညိုဆည်ဘက်ကို ထမ်းခေါ်သွားတယ်" လို့ Phoenix DF ရဲ့ တာဝန်ရှိသူက ပြောပါတယ်။
"သူတို့က မနေ့မနက်အစောပိုင်းကတည်းက စစ်ကြောင်းထွက်လာပြီး တနေကုန်ကင်းပုန်းဝတ်နေတာ ကျနော်တို့ကလည်း ဇွဲကောင်းကောင်းနဲ့ စောင့်နေတာ၊ သူတို့ထွက်လာလို့ ဝက်လက်ရွှဲရွာ အနောက်ဘက်လည်းရောက်ရော ကျနော်တို့က ပစ်တာမှာ သူတို့အလယ်ကောင်ကိုကျပြီး ထိကုန်တာ” လို့ ဝက်လက် Eagle Guerrilla Force အဖွဲ့ရဲ့ တပ်ရင်းမှူး ဗိုလ်ကောက်ရိုးက ပြောပါတယ်။
"စစ်ကောင်စီကအကြီးပိုင်းတွေနဲ့ ပြည်သူစစ်ခေါင်းဆောင်မြင့်ဆွေ(ခ)မောင်မြင့်နဲ့ ပြည်သူ့စစ်အကြီးပိုင်းတွေ သူတို့တပည့်တွေအစည်းအဝေးလုပ်နေတာ၊ လူဦးရေတော့များတယ်၊ ကျနော်တို့ရုတ်တရက်ပစ်လိုက်တော့ ၂ ယောက်တော့အဲနေရာမှာပဲသေသွားတယ်၊ လက်ဖက်ရည်ဆိုင်ပိုင်ရှင်ကလည်း စစ်မှုထမ်းဟောင်းသူလည်းအတူတူပဲ" လို့ MBT အဖွဲ့ ခေါင်းဆောင်ဗိုလ်မိုက်ခဲ ကပြောပါတယ်။
ဘိုကြီးစခန်းရွာမှာက စစ်သားအင်အား ၄၀ လောက်တပ်စွဲထားတာ အင်အားဖြည့်ဖို့ လာတဲ့သဘော။ ကျနော်တို့က ဘိုကြီးစခန်းမရောက်ခင်မှာ ဆည်လမ်းကြောင်းထဲမှာဝိုင်းပစ်တာ။ စက်လှေက ရှေ့ဆက်မတိုးတော့ပဲ လာရာလမ်းအတိုင်းပြန်လှည့်သွားတယ်" လို့ Phoenix DFက တာဝန်ရှိသူက ပြောပါတယ်။
"မနေ့ကမှ တိုက်ဆိုင်သွားတာ ကျနော့်တို့က သူတို့အခြေအနေကို သွားကြည့်တာ စောင့်ကြည့်နေတာကြာပြီ။ မနေ့ကမှ တိုက်ဆိုင်သွားလို့ လက်ပစ်ဗုံးတလုံးနဲ့ ပစ်ပေါက်ခဲ့တာပါဗျ။ နောက်ဆုံးရတဲ့ သတင်းအရ စစ်အုပ်စုဘက်က ၂ ဦး သေတယ်လို့ အတွင်းသတင်းရတယ်" လို့ Pakokku Undergroung Forceရဲ့ တာဝန်ခံ ကိုကံကောင်းက ပြောပါတယ်။
Sharing Information to the Local