သတင်းတို

ပြည်ခရိုင်မှာ စိုက်ဘဏ်ချေးငွေအပြင် ကိုဗစ်ချေးငွေများကို ခြိမ်းခြောက်တောင်းနေလို့ ငွေတိုးချေးဆပ်နေရ

"ဆပ်ကြတဲ့သူတွေလည်းရှိပါတယ်။ မဆပ်နိုင်သူတွေလည်းများပါတယ်။ ကိုဗစ်ချေးငွေကအတိုးမရှိကြားထားတာ။ ခုကျတော့အဲ့ငွေလည်းအတိုးနဲ့ပါပဲ။ အတိုးတော့မများပါဘူး ဒါပေမယ့်စိုက်ဘဏ်တွေက ဒဏ်တိုးပါလာပါပြီ တောင်သူတွေကဘေးမှာအတိုးယူပြီး ပေးဆပ်နေကြရတာပါပဲ"

အောင်လံမှာ စာသင်ကျောင်းထဲဗုံးတွေ့ကိစ္စ ဖုံးဖိထားလို့ လူစုလူဝေးဖြစ်ကာ ကျောင်းတက်ရောက်သူနည်းပါး

"စာသင်ကျောင်းထဲ ဗုံးတွေ့တယ်ဆိုတာ ရပ်ကွက်က လူတွေကတဆင့်တဆင့်ကြားပြီး သူတို့ကလေးတွေရှိတော့စိတ်ပူပြီး ကျောင်းရှေ့ကိုသွားကြတာ။ ကျောင်းရှေ့ရောက်တော့ ဗုံးမဟုတ်ဘူ ဘာညာနဲ့ စစ်ကောင်စီကလူတွေနဲ့ ကျောင်းကလူတွေပြောတာ။ ရပ်ကွက်ကတော့ မကျေနပ်ဘူး။ ကျောင်းရှေ့မှာရုတ် ရုတ်သဲသဲတွေတော့ဖြစ်သွားသေးတယ်"

စစ်ကောင်စီတပ်က အရပ်သား ၇ ဦးကိုပြေးခိုင်းပြီးသေနတ်နဲ့ပစ်သတ်၊ ဓါးစာခံ ၁၁ ဦးအားဖမ်း‌ဆီးသွား

"ဓါးစာခံတွေဖမ်းခေါ်သွားတယ်၊ သူတို့ထွက်သွားပြီးလားဆိုပြီး ကျနော်တို့ကံပြားအထိအောင် ဒရုန်းနဲ့လိုက်ကြည့်တယ်၊ သူတို့ဖမ်းသွားတဲ့ ဓါးစာခံတယောက်ပြန်တွေ့တယ်၊ ပြန်ခေါ်လာတယ်၊ သူ့နားလည်းဓါးနဲ့ဖြတ်ထားတယ်၊မျက်နှာကြီးကပျားတုပ်ထားသလိုပဲ တအားရိုက်နှက်ထားတာ၊ သူကတော့အသက်ရှင်လျက်ပြန်လွတ်လာတယ်၊ ၁၁ ယောက်ကတော့ ဓါးစာခံအဖြစ်ခေါ်သွားတယ်၊ ရွာသူရွာသား ၇ ယောက်ကိုရှေ့ကပြေးခိုင်းပြီး သေနတ်နဲ့သတ်ကြတယ်၊"

စစ်ကောင်စီတပ်သားတွေက ကားသမားတွေကို နေ့တိုင်း ဘီယာဝယ်တိုက်ခိုင်းနေတာကြောင့် စိတ်အနှောက်အယှက်ဖြစ်နေ

“စစ်သားတွေက တယောက်က မိုင်တဲဘေကဒ်တောင်းလိုက်၊ နောက်တယောက်က ဘီယာတွေ၊ ဆေးလိပ်တွေ သူတို့လိုအပ်တာတွေကို နေ့တိုင်းလိုက်တောင်းနေတာဗျ။ အဲဒီလိုနေ့တိုင်းနေ့တိုင်းကျ‌တော့ ကျနော်တို့လည်း မဝယ်ပေးနိုင်တော့ဘူး‌လေ။ ကျနော်တို့မှာက တခါတလေ ဆီဖိုးတောင် မနည်း လိုက်ရှာနေရတာ။ ပွင့်ပွင့်လင်းလင်းပြောရရင် နေ့တိုင်းစိတ်ညစ်ရတယ်။သူတို့မှာတာတွေမပါလာဘူးဆိုရင် ဂိတ်မှာအကြာကြီး ထားတာတွေကို လုပ်သေးတယ်။ ကျနော်တို့လည်း မခံစားနိုင်လို့သတင်းဌာနတွေကို ပြောပြရတာ။”

ဖမ်းဆီးခံရပြီး ပြန်လွတ်လာသူ ၂၄နာရီ မပြည့်ခင် စစ်ကောင်စီပြန်ဖမ်း

"ဦးဇော်လွင်ကို စဖမ်းတာက ဇွန်လ ၄ ရက်နေ့ညနေက ၅ရက်နေ့ နေ့လယ်လောက်မှာ ပြန်လွှတ်ပေးတယ် ၆ ရက်နေ့မနက်ရောက်တော့ ပြန်ဖမ်းတာပဲ အဲဒီမနက်က သူ့ကို ရဲစခန်းက ခေါ်တယ်လို့ ​ပြောတယ် ဘာနဲ့ခေါ်တာလည်းတော့မသိဘူး နေ့လယ်လောက်ရောက်တော့ ဦးဇော်လွင်ကို ပြန်ဖမ်းထားတယ်ဆိုပြီး ကြားရတော့တာပဲ ပြည်က ဒကစ ဆီကိုခေါ်သွားတယ်ပြောတယ်"

မင်းဘူး(စကု) မြို့နယ် ဗကသ အလုပ်အမှုအဆောင် ၂ဦး ထောင် ၃နှစ်စီအမိန့်ချခံရ

" ကျန်တဲ့လူတွေကတော့ ရှောင်တိမ်းနိုင်လိုက်တယ်၊ သူတို့ကိုဖမ်းပြီးတော့မှ ၅၀၅ တွေနဲ့တရားစွဲတယ်၊စွဲပြီးတော့ ၇ လလောက်အချိန်ယူပြီးစစ်တယ်၊ စစ်ပြီးတော့မှ ဒီနေ့ဇွန်လ ၆ ရက်နေ့မှာ ထောင်ဒဏ် ၃ နှစ်စီအပြီးသပ်အမိန့်ချလိုက်တယ်"

လေတပ်ကစစ်သားကို ထိုးကြိတ်ခဲ့တဲ့ ရဲတပ်ဖွဲ့ဝင်တွေကို ဖမ်းဆီးထားပြီး တာဝန်မှူးနဲ့ စခန်းမှူးကို စုံခုံဖွဲ့စစ်ဆေးနေ

"စခန်းတခုလုံးတော့မဟုတ်ဘူးလို့သိရတယ်။ အဲ့ဒီနေ့က တပ်ကလူကိုဝိုင်းထိုးတဲ့ထဲမှာပါတဲ့ သူတွေတော့ အချုပ်ကျနေတယ်။ စခန်းမှူးနဲ့အဲ့ဒီနေ့က တာဝန်ကျတာဝန်မှူးနဲ့ကိုတော့ ဗီဒီယိုဖိုင်ရိုက်တဲ့ကိစ္စနဲ့ စခန်းထဲရန်ဖြစ်တာကြောင့် အုပ်ချုပ်မှုလျော့နည်းဖြစ်စဥ်နဲ့ စုံ/ခုံ (စုံစမ်းစစ်ဆေးရေးခုံရုံး) ဖွဲ့ထားတယ်။ စုံ/ခုံပြီးလို့ သက်/ချုပ်(သက်သေခံအကျဥ်းချုပ်) ထွက်လာမှ သူတို့ကိုဖမ်းချုပ်သင့်/မသင့်ဆိုတာမျိုး ဆက်သွားမှာ"

ယူနက်စကိုစာရင်းတင်သွင်းထားသည့် မြောက်ဦးမြို့မှ ရှေးဟောင်းရုပ်တု ၂ ရုပ်ဖျက်စီးခံရ

“နတ်ရုပ်ရှိတဲ့ နန်းရာကုန်းဒုတိယထပ်ဆိုတာက လူအနေများတဲ့နေရာတစ်ခုပါ။ နေ့ခင်းဆိုရင်လည်း အဲဒီနေရာမှာ အအေးဆိုင်တွေဖွင့်လို့ရောင်းကြတယ်။ ပြီးတော့ အပန်းဖြေသူတွေထိုင်တဲ့ ခုံတန်းလေးတွေရှိတယ်။ နတ်ရုပ်တွေကို မာကျောတဲ့ပစ္စည်းတစ်ခုခုနဲ့ ထုရိုက်သွားတာထင်တယ်။ အဲဒီနတ်ရုပ်တွေကို သံဆန်ခါတွေနဲ့သေသေချာချာ ခြံခတ်ထားတာပါ။ ဒီလိုနတ်ရုပ်တွေကိုမှ ဖျက်စီးရတယ်လို့။ တော်တော်လည်း စိတ်ပျက်ဖို့ကောင်းပါတယ်။”

ပြည်မြို့နယ်တွင် ယခုနှစ်မှကျောင်းပြန်အပ်သူများကို ပညာရေးမှူးရုံးနှင့်ဘဏ်တွင် ဒဏ်ငွေများသွင်းခိုင်း

"ကလေးတွေကို အလယ်တန်းအဆင့်ပဲရှိတဲ့ကျောင်းကနေ အထက်တန်းအဆင့်ကျောင်းကိုပြောင်းဖို့ ကျောင်းပြောင်းလက်မှတ်တောင်းတာကို မနှစ်က ကျောင်းမအပ်လို့ဆိုပြီး ဒဏ်ငွေဆောင်ခိုင်းတယ်။ ဘဏ်ကိုလည်းသွားရတယ် သွင်းရတဲ့ငွေက မများပေမယ့် ဒဏ်ကြေးဆောင်ရတဲ့သူတွေ အများကြီးတွေ့တယ်။ သက်သက်မဲ့ ဒီနှစ်မှကျောင်းပြန်အပ်ရကောင်းလားဆိုပြီး နှိပ်ကွပ်တာ"

ရခိုင်တွင် မိုင်းပေါက်ကွဲမှုဖြစ်၍ သက်ကြီးအမျိုးသမီးတဦး သေဆုံး

“အခုတော့အလောင်းကို ကျောက်တော်ဆေးရုံ ရင်ခွဲရုံကိုပို့လိုက်တယ်။ သူ့ကို ရွာကနေ ကျောက်တော်ဆေးရုံကို ယူလာတဲ့အချိန်မှာ သွေးထွက်လွန်ပြီးတော့ သေသွားတာပါ၊”

AA ကိုရိက္ခာကောက်ပေးသည်ဟုဆိုကာ ကျောက်ဖြူမြို့ခံ ၂ ဦးဖမ်းဆီးခံရ

"သူတို့ကို နိုင်ငံတော်အကြည်ညိုပျက်စေမှုပုဒ်မ ၅၀(က)နဲ့ ကျောက်ဖြူမြို့မရဲစခန်းမှာ အမှုဖွင့်ထားပါတယ်။ ဒီနေ့တော့ သူတို့ကို စတင်စစ်ဆေးပါတယ်။ ပြီးတော့သူတို့ကို ကျောက်ဖြူအကျဉ်းထောင်ကို ပို့လိုက်ကြတယ်"

ရိတ်သိမ်းဆဲ နွေစပါးထွက်နှုန်းကျပြီးလယ်သမားတွေ တွက်ချေမကိုက်

"ဘက်စုံစျေးကြီးနေတယ် မြေသြဇာအိတ်စျေးက ၃ ဆတက်တယ် ဓါတ်ဆားတအိတ်ကို ၉၅၀၀၀ ကျော် ဝယ်ရတယ် အဲတော့ စပါးခင်းက လိုအပ်တဲ့ အာဟာရ အပြည့်မပေးနိုင်ဘူး လျှော့သုံးတယ် အခုနှစ် နွေစပါး တင်း၆၀ လောက်ပဲ ထွက်တယ် အရင်နှစ်တွေကဆို အောက်ထစ် ၈၀ ထွက်တယ်"

ပဲခူးတိုင်းမှာ နန်းထိုက်အောင် မြို့ပြစစ်ဆင်ရေးပထမဆုံးစတင်

" ပဲခူးတိုင်းမှာလာလုပ်တာတော့မဟုတ်ဘူးဗျ။ နန်းထိုက်အောင်စစ်ဆင်ရေးအမည်နဲ့ ပဲခူးတိုင်းကော ရန်ကုန်တိုင်းမှာပါ ဆောင်ရွက်မှာပါ၊ ရန်ကုန်က အရင် စသုံးဖြစ်တာပါ၊ ပဲခူးတိုင်းမှာ နန်းထိုက်အောင်စစ်ဆင်ရေးကို ပဲခူးတိုင်း PDF တပ်ရင်းအကုန်က အရှိန်မြှင့်ပြီးဆောင်ရွက်သွားဖို့ရှိပါတယ်"

မိုးသက်လေပြင်းကြောင့် ရခိုင်တွင် ငါးဖမ်းဘုတ် ၁၉ စီးနစ်မြုပ်

ကျွန်းသာယာကျေးရွာမှ ငါးဖမ်းဘုတ် ၈ စီး၊ ဝိုင်းကျေးရွာမှ ၂ စီးနှင့် ငပသုန်ကျေးရွာမှ ၈ စီး၊ ကျောက်ဖြူမြို့သို့ ခရီးသည်များပြေးဆွဲနေသည့် လိုင်းဘုတ် ၁ စီးလည်း ကျောက်ဆောင်ကိုတိုက်မိကာ နစ်မြုပ်သွားခဲ့သည်။

PDF ရဲဘော်တဦး ကျဆုံးပြီး ပြည်သူ ၂ ဦး ဒဏ်ရာရခဲ့တဲ့ ဒီပဲယင်းက ၂ ရက်တာ တိုက်ပွဲ

" ၁၈နဲ့ ၁၉ ၂ရက် တိုက်ပွဲဖြစ်တာပေါ့ ပထမနေ့တိုက်ပွဲမှာ သူတို့ဘက်က ကျတာလည်း မသိရသလို ကျနော်တို့ ဘက်ကလည်း အထိခိုက်မရှိပြန်ဆုတ်နိုင်ခဲ့တယ်၊ ပြောက်ကျားပုံစံမျိုးပဲ ကျနော်တို့က ဝင်ပစ်လိုက် သူတို့ဘက်က ပြန်ပစ်လိုက်ပေါ့ ၊ ၁၉ရက်နေ့ အပြန်အလှန်ပစ်တဲ့ အချိန်မှာ ကျနော်တို့ဘက်က ရဲဘော်တဦးတော့ ကျဆုံးသွားတယ်"

နောက်ဆုံးရ သတင်းများ

01
02
03
04
05
06
07
08
09
10