ရေနံချောင်းမြို့နဲ့ ၁၀ မိုင်ကျော်အကွာအဝေးမှာရှိတဲ့ ရုံးဆိပ်ကျေးရွာအနီးက ဆားတိုင်အုတ်ဖိုချောင်းမှာ မိုးရွာပြီးဧရာဝတီမြစ်ရေတွေ ဝင်လာတာကြောင့် ဒေသခံပြည်သူတွေ သွားလာရခက်ခဲနေတာလို့ ရုံးဆိပ်ရွာ ဆရာတော်က ပြောပါတယ်။
"အခု တတိယနှစ်ပညာသင်နှစ်ထဲမှာ ပုံနှိပ်စာအုပ်၊ ဗလာစာအုပ်၊ ဘောပင်၊ ခဲတံတွေကူညီပေးနိုင်ခဲ့တယ်။ စာသင်ဆောင် ဆောက်လုပ်လှူဒါန်းပေးနိုင်တာ ရှိပါတယ်။ ကလေးတွေကိုလည်း အာဟာရကျွေးမွေးပေးခဲ့တယ် "
"ပဲလေးမျိုးလို့ခေါ်တဲ့ ၃ လမြေပဲစိုက်တာပါ။ အထွက်နှုန်းက အရင်နှစ်လောက် မထွက်ကြဘူး။ ရာသီဥတုကောင်းပြန်တော့ စစ်ကြောင်းတွေဝင်လာလို့ အေးဆေးမလုပ်ရပါဘူး။ အခုမှနှုတ်နေကြတုန်းပါ။ အကုန်လုံးတော့ မပြီးကြသေးပါဘူး"
သြဂုတ် ၁၅ ရက် မနက် ၉ နာရီခွဲအချိန်ခန့်က အဲ့ဒီဈေးသည် အမျိုးသမီးဟာ ကျွဲနန်းရွာမှာ ဈေးရောင်းပြီး ခဏနားနေချိန် လူတစုက စစ်ဆေးစရာရှိလို့ဆိုကာ မျက်နှာကိုအဝတ်နဲ့စည်း၊ လက်ပြန်ကြိုးတုပ်ဖမ်းဆီးခေါ်သွားကာ စစ်ဆေးမေးမြန်းရင်း ရိုက်နှက်ခဲ့တာကြောင့် အခုလို ဒဏ်ရာတွေရရှိခဲ့တာလို့ ကာယကံရှင်အမျိုးသမီးက ဆိုပါတယ်။
၆၀ မမ၊ တတောင့်ထိုး 5.56 သေနတ်၊ RC plane စတာတွေကို ထုတ်လုပ်ထားပြီး တလကို ၂ ကြိမ်လောက် စစ်ကောင်စီတပ်တွေနဲ့ တိုက်ပွဲရင်ဆိုင်နေရပြီး အနည်းဆုံး တိုက်ပွဲပေါင်း ၄၀ လောက် တိုက်ခဲ့ပြီးဖြစ်တယ်လို့ ရွှေညာမြေ ပြည်သူ့ကာကွယ်ရေးတပ်ဖွဲ့တာဝန်ခံက ပြောပါတယ်။
" အခု ရေသပိတ်လုပ်တဲ့နေရာတွေဟာ အရင်က ဆိုင်ကယ်တွေကားတွေနဲ့ လှည့်လည်သပိတ်ပြုလုပ်ခဲ့တဲ့နေရာတွေပါ။ အခြေနေတွေ ဘယ်ပုံစံပြောင်းသွားပါစေ ကျနော်တို့တတွေရဲ့အာဏာရှင်ကို မလိုလားတဲ့စိတ်ဓာတ်တွေ ပြောင်းလဲမသွားဘူးဆိုတာ သိစေချင်တဲ့အတွက် အခုလိုရေပေါ်သပိတ်ပြုလုပ်ရတာပါ"
တိုက်ပွဲတွေ ပြင်းထန်နေတဲ့ မကွေးနဲ့ စစ်ကိုင်းမှာ ဖျားနာသူတွေများလာပြီး ဆေးဝါးမလုံလောက်မှုဖြစ်နေကြတယ်လို့ စစ်ဘေးသင့်ပြည်သူတွေကို ကျန်းမာရေးစောင့်ရှောက်မှုပေးနေကြတဲ့ မကွေးတိုင်းအခြေစိုက် အရှိုချင်းတပ်ဖွဲ့ - ACDF နဲ့ စစ်ကိုင်းတိုင်းအခြေစိုက် သခင်ဒေါင်းညိုပြောက်ကျားတပ်ဖွဲ့က တာဝန်ရှိသူတွေက ပြောကြပါတယ်။ ငှက်ဖျားဆေး၊ မြွေဆိပ်ဖြေဆေး၊ သံချဆေးနဲ့ ယားနာဆေးစတဲ့ ဆေးဝါးတွေကို အဓိကလိုအပ်နေတာဖြစ်ပြီး လတ်တလောမှာ ဒေသကာကွယ်ရေးတပ်ဖွဲ့ဝင်တွေကြား လှည့်ပတ်ချေးငှားသုံးစွဲနေကြရတယ်လို့ သူတို့က ဆိုကြပါတယ်။
" ဇေတဝန် ၁ လမ်းထိပ်သုဿာန်နားမှာ ဆိုင်ကယ်လုဖို့ လုပ်တယ်။ ဆိုင်ကယ်နဲ့လင်မယားက ဖုန်း၊ ပိုက်ဆံအိတ်၊ ဆိုင်ကယ်တွေ လိုက်ပြီးလုယက်နေတာ ကြာပြီ။ မိန်းမကို အဲ့ရပ်ကွက်ထဲက လူတွေကဖမ်းမိပြီး ရဲလက်အပ်တယ်။ ယောကျ်ားကထွက်ပြေးရင်း ရဲစခန်းအနောက် လမ်းထဲမှာရေထဲခုန်ချပြေးလို့ လိုက်ပြီးဖမ်းကြရတယ်"
အဲ့ဒီတိုက်ပွဲမှာ စစ်ကောင်စီဘက်က ၃ ဦးဒဏ်ရာပြင်းထန်ပြီး ၂ ဦး မစိုးရိမ်ရ ဒဏ်ရာရကာ ဒဏ်ရာပြင်းထန်သူ ၃ ဦးထဲက ၂ ဦးဟာ သြဂုတ် ၁၇ရက် ညပိုင်းမှာ သေဆုံးခဲ့တယ်လို့ Southen YSO PDF တာဝန်ခံ ဗိုလ်အောင်မောင်းကပြောပါတယ်။
" လူတွေကတော့ ဘေးလွတ်ရာကို ရှောင်နိုင်ခဲ့ပါတယ်။ အရေးကြီးတဲ့စာရွက်စာတမ်းတွေ အပျက်အစီးမရှိ ရွှေ့နိုင်ခဲ့ပါတယ်။ ဟင်းသီးဟင်းရွက်စိုက်ခင်းက အကုန်ပျက်စီးတယ်။ ရုံးနဲ့ ရဲဘော်တွေလိုင်းခန်းတွေ ပျက်စီးခဲ့တယ်"
ချောင်းကူးတံတား ပျက်စီးနေတဲ့အတွက် ရွာပေါင်း ၈ ရွာက ပြည်သူတွေဟာ ဂန့်ဂေါမြို့နဲ့ ဆေးရုံ၊ဆေးခန်းရော အထက်တန်းကျောင်းကို သွားလာရတာခက်ခဲနေသလို ကြပန်းလုပ်သားနဲ့ စျေးရောင်းစျေးဝယ်တွေပါ သွားလာရေးခက်ခဲနေတာကြောင့် ငွေကြေးအဆင်မပြေပေမယ့် သြဂုတ်လ ၁၃ ရက်နေ့က ယာယီပြင်ဆင်ခဲ့တာလို့ ဆိုပါတယ်။
စစ်ကိုင်းတိုင်း၊ မုံရွာမြို့၊ ထန်းတောကျွန်းဆွယ်ရပ်ကွက်က ကိုယ်ဝန်ဆောင် မအေးငြိမ်းသူနဲ့ ဝမ်းဗိုက်ထဲက သန္ဓေသားလောင်းကို ဒီကနေ့ ဩဂုတ်လ ၁၂ ရက် နေ့လယ်ပိုင်းက မုံရွာမြို့မသုဿန်မှာ ဂူသွင်းသင်္ဂြိုဟ်ခဲ့တယ်လို့ သိရပါတယ်။
"အခု စက်ရုံလည်ပတ်ဖို့ NON CDM ဝန်ထမ်းတွေ နည်းလမ်းပေါင်းစုံနဲ့ လုပ်နေကြတယ်။ စက်ရုံလည်ပတ်တာက တောင်သူအကျိုးပြုဖို့ မဟုတ်ပါဘူး။ စစ်ကောင်စီရဲ့ ကပစ စက်ရုံတွေအတွက် ပြည်သူကိုပြန်သတ်ဖို့ ခဲယမ်း ထုတ်တာမှာ အားပေးကူညီရာရောက်နေတယ်"လို့ ဝန်ထမ်းဟောင်းတဦးက မြေလတ်အသံကိုပြောပါတယ်။
စစ်စရှောင်တုန်းက ၂ လဝန်းကျင်လောက် နီးစပ်ရာရွာတွေမှာ ခိုလှုံနေခဲ့ကြရင်း အဲ့ဒီကတဆင့် နောက်ထပ်နေရာတွေကို အဆင့်ဆင့် ပြောင်းရွှေ့နေထိုင်နေကြရတာပါ။ အခုလို မိုးတွင်းကာလမှာ ဧရာဝတီမြစ်ရေတက်လာတာကြောင့် စစ်ရှောင်တွေဟာ တခြားတနေရာကို အချိန်မီ ရွှေ့ပြောင်းဖို့ လှေမရှိတဲ့အတွက် အခက်အခဲတွေ ထပ်ပြီးကြုံတွေ့နေကြတယ်လို့ ဆိုပါတယ်။
ဆန္ဒပြသူတွေဟာ ဒီကနေ့ သြဂုတ် ၈ ရက်၊ မနက် ၈ နာရီခန့်က လယ်ယာလုပ်ငန်းခွင် မှာ "NUG အစိုးရ - ဒို့အစိုးရ"၊ "ဖက်ဒရယ်ဒီမိုကရေစီ ရရှိရေး - ဒို့အရေး"၊ "၈၈ ကအချိုးတွေ ငါတို့ခေတ်မှာလာမချိုးနဲ့ မကြောက်ဘူးဟေ့" ၊"အညာဖက်ဒရယ် အောင်ရမည်" အစရှိတဲ့ ကြွေးကြော်သံတွေနဲ့ လက်သုံးချောင်းထောင်ကာ ဆန္ဒပြခဲ့တာလို့ ဆိုပါတယ်။
Sharing Information to the Local